galiñeiro

Hai 23 anos un grupo de sete criadores de Galiña de Mos comezaron a recuperación desta raza autóctona. Hoxe son 172 as criadoras e os criadores de alta no Rexistro xeral de explotacións gandeiras (REGA) como avicultores artesáns. O censo achégase aos 22.000 animais. Avimós abandeira a cría, a comercialización e a supervivencia desta raza. A carne e os ovos destes exemplares son moi valorados tanto na Galiza coma no Estado, fundamentalmente pola hostalaría.

A próxima semana 'Castelos no Aire' e a Comunidade de Montes de Vincios organizarán unha nova prospección arqueolóxica que ten por obxectivo indagar nas orixes da fortaleza das Gallas.

Por outra banda, o TSXG anula a modificación do proxecto do parque eólico da serra do Iribio, ao entender que a declaración de impacto ambiental, que data de 2005, está "obsoleta".

Nin o Galiñeiro nin o Courel. O PP rexeita protexer os montes do Courel e o Galiñeiro e rexeita sendas iniciativas parlamentares encamiñadas a que estas serras sexan Parque Natural. Bota abaixo que o Galiñeiro forme parte do parque natural do Aloia a menos dunha semana da masiva camiñada que o reclamou en Vigo 

As corredoiras e os pasos foretais nunca tan concurridos se viron. Vigo e a súa comarca saiu ao camiño para defender a Serra do Galiñeiro, o singular espazo natural que se impón sobre a cidade de Vigo. Polo percorrido, pasaron ao pé dos espazos onde teñen pensado situar cando menos 6 xeradores eólicos e tamén por onde está previsto que se realicen as catas de prospeccións mineiras de terras raras. 

A Plataforma pola Defensa da Serra do Galiñeiro convoca este domingo unha andaina contra a instalación do parque eólico no lugar e pola ampliación da declaración de Parque Natural a todo o ecosistema do Monte Aloia. No mesmo día, a Candidatura do Povo chama a 'pasear' para frear a construción dunha depuradora no río Roxos, na bisbarra compostelá

Os galiñeiros de autoconsumo rexistrados na Galiza superan os 52.000, segundo os datos ofrecidos pola Consellaría do Medio Rural esta cuarta feira. Aínda que este tipo de explotacións non poden comercializar carne, ovos nin outro tipo de produtos, as propietarias e os propietarios deben formalizar o rexistro tras a entrada en vigor do Real Decreto do 27 de xullo de 2021 que tamén estabelece as normas básicas de ordenación das granxas avícolas. A norma limita a 30 as aves que poden hospedar estas instalacións. O rexistro dos galiñeiros pode facerse nas oficinas da Xunta da Galiza ou de maneira telemática mediante o modelo MR501A.