gaita

Avelino Cachafeiro, Ricardo Portela, Susana Seivane, Carlos Núñez, Cristina Pato, Os Trinta de Trives, o gaiteiro de Guillarei e os de Soutelo. Eis algunhas das persoas representadas nos gravados reunidos en 'Gaiteiraos', unha mostra coa que César Lombera rende homenaxe ás e aos gaiteiros galegos de onte e de hoxe.

Manuele Pardo é un gaiteiro do concello de Boqueixón que leva toda a vida en diferentes bandas e agrupacións. Agora compón en solitario, empregando como base coplas e composicións tradicionais da música popular galega. Acaba de publicar dous sinxelos, Muros e Bitácora, que combinan a cultura tradicional con ritmos e sons modernos. Ademais, exerce como mestre de música en Ribeira, e pretende transmitir a paixón pola música que a el lle traspasaron.  

Mónica Fernández é a responsábel de coordinar a Tradescola, un centro dedicado a transmitir a música e o baile tradicional galego en Lugo. Apaixoada da nosa cultura popular desde pequena, cre fundamental que se dediquen recursos e medios á conservación e difusión das diferentes expresións propias a través da educación, unha labor que realiza dentro da Asociación de Gaiteiras Galegas (AGG).

Unha mesa redonda e recitais de música marcaron o evento deste sábado no que o Concello de Cambre rendeu homenaxe a Xosé Manuel Seivane, o patriarca da gaita na Galiza.

Xacobo Ares, gaiteiro e pandeireteiro, da Asociación Amigos da Gaita, puxo en marcha o proxecto "Tecedeira, tecendo a tradición" que presentará en Ribadeo o vindeiro 26 de xuño. Recoñece que o traballo da musicóloga Dorothé Schubarth o inspirou para esta iniciativa, así como a traxectoria de investigación en cultura musical popular de Xulia Feixoo e Guillerme Ignacio Costa. Con todo, a influencia máis importante tívoa na súa propia familia da man do seu tío, Francisco Ares, fundador d'Os Montes de Lugo.

O sétimo disco d'Os Carunchos pon en valor o repertorio para gaita ao tempo que resalta a música vocal.

O caderno deste sábado, que poderás atopar nos quiosques e estabelecementos habituais, así coma na nosa loxa en liña, tamén fala de arte e marxinación con Menchu Lamas e deixa sobre a mesa as loitas contra as empresas de celulosas que gañou o pobo galego.

A segunda edición da biografía Ricardo Portela. Dúas palabras verbo da gaita galega xa está nas librarías, logo dun arduo traballo de colaboración entre o autor da obra, José Luis Calle, e a Asociación de Gaiteiras Galegas. 

O Museo Provincial acolle esta semana un faladoiro sobre o músico Ricardo Portela no que se tratará a súa relación coa "boa vila". O acto incluirá unha actuación en directo dos músicos Rafa Pazo, Francisco Estévez 'Chuco' e Gonzalo Caride.

'Os Rosales. O son da festa', libro que vén de lanzar a Editorial Canela na súa colección de tradición oral, recupera a historia dunha das mulleres pioneiras da música tradicional galega: Maruxa Miguéns. Foi por casualidade que entrou a tocar o bombo nos Rosales, o cuarteto do seu marido, Xosé Romero, para rematar converténdose nunha peza chave da formación, que coa súa voz e o seu toque se converteu nunha das máis demandadas do momento. "Mágoa que non foses home para vir con nós", dicíanlle os da banda antes nos ensaios. Pero non lle fixo falla.

A cidade recorda ao músico, tamén coñecido como 'O gaiteiro de Viascón', como o artista que ennobreceu a gaita. O rexedor, Miguel Anxo Fernández Lores, tamén destacou o seu legado artístico que chega até a actualidade.

O gaiteiro Carlos Núñez vén de finalizar De Gaiteiro a gaiteiro, un traballo que cumpre coas últimas vontades de Portela e que levou tres décadas de traballo. Presentouno coa colaboración do Consello da Cultura Galega.

 

O mundo da música tradicional chora a perda de Pepe Temprano, un dos grandes gaiteiros galegos, que formou parte dos Tempranos de Eirís ou Lembranza. O enterramento terá lugar hoxe ás 13 horas.

O Consello da Cultura Galega dedica a súa atención o Día da Patria a unha das figuras máis senlleiras da gaita galega, chave na dignificación do instrumento e da profesión: Ricardo Portela. O seu repertorio atópase en partituras en aberto na web da institución, transcrito por Carlos Núñez, que cumpre así unha misión que o propio gaiteiro lle encomendara sendo cativo.

O gaiteiro e artesán Xesús Rodríguez, un dos músicos habituais que toca no arco do pazo de Xelmírez, en Compostela, viuse enleado na campaña electoral de Vox.