futuro

Os cambios no fútbol, especialmente os referentes á preparación física, deron lugar a multitude de mutacións na forma de entender e practicar a disciplina nos últimos anos que, sen dúbida, seguirán influíndo no futuro, como reflexiona no seu novo libro o catedrático da Universidade de Vigo Carlos Lago (Compostela, 1974), autor do libro 'Cando metes gol, eres grande, cando non... eres gordo'.

Representantes de máis de 200 organizacións coas que colabora de forma activa en diferentes ámbitos participaron no evento.

Adrián Dios Vicente (Outes, 1989) é profesor de Historia Económica Mundial na Universidade de Santiago de Compostela. Autor dunha tese de doutoramento sobre a historia de Unión Fenosa, centra, na actualidade, as súas investigacións no ámbito da enerxía e das crises financeiras. Nun momento de tensións, analiza para este especial número 500 de Sermos Galiza as fortalezas e debilidades da economía galega e reflexiona sobre as súas posibilidades. Non dubida en declararase optimista sobre o futuro do país.

Máis da metade das mulleres que habitan na Galiza viven no rural. Mulleres traballadoras, nais, fillas, irmás, coidadoras, emprendedoras e profesionais que loitan por derrubar o muro da invisibilidade mais tamén por borrar as dificultades de acceso á terra, vivenda ou transporte coas que baten a diario. O abandono, o illamento e os problemas de accesibilidade resumen as carencias dun territorio que reclama igualdade, recoñecemento e servizos. No Día Internacional da Muller Rural, mulleres de todas as idades e perfís urxen políticas específicas que garantan a vida e o futuro do medio rural.

Tras superar o pico da quinta vaga, Galiza comeza a definir un escenario de convivencia máis estábel co coronavirus. A vacinación avanza e os contaxios diminúen. Cómpre seguir contando os casos de Covid? Debe a incidencia acumulada marcar novas restricións? Que pasos quedan por dar para acabar de controlar a pandemia? 'Nós Diario' pregunta a varios expertos polo futuro da Covid e da prevención fronte á enfermidade.
 

Isabel Vilalba, do Sindicato Labrego Galego, subliña as carencias nas políticas institucionais e, sobre todo, a falta dun plan de futuro que permita avanzar na construción dun novo modelo máis axeitado ás necesidades da Galiza.

Centos de persoas manifestáronse este domingo na ponte das Pías, que divide ás localidades de Ferrol e Fene, para lanzar un 'SOS Ferrolterra - Polo futuro da comarca', lema da pancarta que encabezou a mobilización. Dúas marchas desde Astano, Fene, e O Montón, Ferrol, reuniron os participantes sobre a ría para esixir industria e traballo.

A xoiaría, unha das profesións máis antigas do mundo, está a atravesar unha situación complicada a causa da crise provocada pola COVID-19. Como recoñecen desde o sector "somos do primeiro do que se prescinde", mais tamén queren fuxir do pesimismo e do negativismo e xa se están mobilizando para desenvolver campañas que reivindiquen a súa calidade e a súa condición de comercio de proximidade con bens producidos na Galiza.

"Estades facendo historia, o que facedes aquí non se está a facer en ningún outro sitio do mundo". Guillermo Heras, presidente da Asociación de Directores de Escena de España, dirixíase así a asemblea do I Congreso Internacional do Teatro Galego, que decorreu en Santiago a principios de mes, referíndose á capacidade da profesión teatral galega de adiantarse aos tempos, de tratar de ver máis alá da crise pandémica que semella ameazalo todo para debater sobre como debe ser o teatro da próxima década. 

Realizará unha conferencia a cargo do ex embaixador de Nicaragua no Estado español, Augusto Zamora, esta sexta feira 25 de novembro, ás 20h na Casa da Luz (Praza da  Verdura) en Pontevedra.

Vence asegurou que decidirán “o alcance, a profundidade e o ritmo” do proceso de “refundación” da organización frontista.