floteis

Pemex confirma a adxudicación dos dous floteis aos estaleiros de Vigo e Ferrol,  Barreras e Navantia. A noticia coñecíase por volta das tres da madrugada, con tres horas de retraso sobre o previsto e con cinco adiamentos desde a data inicial. Os traballadores de Navantia valoraron a nova en asemblea. Positiva, mais insuficiente, consideran, e advirten que seguirán as mobilizacións.

José Manuel Soria recoñeceu nos corredores do Congreso español que o convenio entre Pemex e a Xunta sinala que nos estaleiros galegos "farase parte dun flotel" e non os 2 prometidos por Feijóo. O propio ministerio recuou pouco despois para dicir que todo foi un "erro lingüístico".

Navantia e Barreras compiten con outras dez opcións para se facer con estes dous buques. A adxudicación podería non se producir até entrado 2014.

A para-estatal mexicana volve retrasar a decisión sobre a quen adxudicará a construción destes buques. Desta vez, a decembro. En Ferrol e Vigo, mentres, segue a sangría de empregos perdidos no naval. Feijóo, tras meses de promesas de que eses floteis virían para Galiza, cala.

Os estaleiros galegos non teñen garantida esa construción, contrariamente ao que se afirma desde a Xunta desde hai meses e meses. A propia para-estatal mexicana vén de confirmar que hai 11 aspirantes, de diferentes países a facer os dous floteis que a Xunta leva meses vendendo como a salvación do naval galego.

Feijóo comprometeunos para o primeiro trimestre de 2013 dando sempre por feito que virían para a Galiza, mais a petroleira deixa claro nun comunicado que os estaleiros galegos compiten con outros nunha licitación pública internacional.

Conta atrás para salvar o sector do naval e a Xunta segue sen dar prazos para a construción dos floteis en Ferrol. BNG e PSOE piden pleno urxente do Parlamento e os presidentes de Asturias, País Vasco e Galiza xúntanse no Ministerio de Industria. 

En comparecencia de imprensa após o Consello da Xunta, Alberto Núñez Feijóo asegurou que o presidente mexicano "avalou e ampliou" os acordos entre a petroleira mexicana Pemex e os estaleiros galegos. Porén, aínda non hai data para a construción dos buques floteis prometidos polo líder do executivo galego. 

O presidente da Xunta reuniuse co presidente mexicano e dirixentes da paraestatal petroleira. Afirma que a empresa está interesada en entrar no naval galego. Un anuncio que fai cando se cumpre un ano do anterior sobre a construción de buques para esa empresa en estaleiros galegos. Barcos polos que aínda se espera

O presidente de Aclunaga, Fernando Alcalde, recoñece que de non se concretar en breve a construción deses dous buques, o sector “corre o risco de morrer no seu intento de chegar á beira”

 

A Xunta xa fixo todo o que tiña que facer e xa non pode facer máis. A pelota está no tellado dos estaleiros e deles dependerá que ao final haxa ou non floteis. Eis o novo argumento do goberno galego, expresado na Comisión de Industria, no culebrón Pemex

O vicepresidente da Cámara de Industria e Transporte azteca afirmou hai uns días con rotundidade que "os floteis se farán en México". Representantes sindicais do naval de Vigo e Ferrol recoñecen que "ninguén sabe o que está asinado neses contratos" para os buques hoteis e salientan que "Pemex non decidiu nada". "Están a xogar co sector", advirten, en referenza aos gobernos autonómico e español

Contradicións no seo do goberno sobre o contrato dos floteis. Mentres Feijóo daba a entender nunha entrevista cun medio coruñés que problemas na constitución dun aval poderían deixar fóra do concurso a Barreras, o conselleiro de Economía afirmaba á Radio Galega que os floteis se farán como estaba previsto, un no esteleiro vigués e outro en Navantia Ferrol. Foi alén diso e afirmou que a construción das embarcacións é "cuestión de días".

As dúas grandes promesas do PP nas eleccións autonómicas para o naval galego están a desmontarse: a SEPI vén de anunciar que non se poderá construír o dique flotante en Ferrol por consideralo Bruxelas 'competencia desleal'. E os pregoados e blindados acordos con Pemex para dous floteis están no ar. O naval, enganado, retoma as mobilizacións

Ferrol acollerá esta cuarta feira unha manifestación convocada polos comités de empresa de Navantia para denunciaren o desleixo e incumprimento do PP a respeito  dos compromisos e promesas para o sector, como o dique flotante ou os floteis de Pemex

Abel Losada empraza a Núñez Feijóo a explicar no seu discurso de investidura, cales son as posibilidades reais dos estaleiros galegos na construción dos floteis de Pemex. Aliás, asegura que o grupo parlmentar defenderá a pluralidade na composición da Mesa parlamentar á fin de que todos os grupos políticos estean representados