Festival de Títeres de Redondela

Máis de setenta representacións de vinte e sete compañías vidas de varios países. Redondela converterase na capital do teatro de títeres e de obxectos do 15 ao 21 de maio, grazas ao Festival de Títeres Memorial Juanjo Amoedo, que chega á súa 24ª edición este ano. Un certame que quere poñer en valor o teatro como punto de encontro da cidadanía dunha maneira lúdica e festiva, como ferramenta de cohesión social e como lecer intelixente e enriquecedor. 
 

O Festival de Títeres de Redondela inaugura a edición deste ano cunha homenaxe aos corenta anos de traxectoria de Tanxarina, fundadora do encontro, pioneira do teatro de monicreques na Galiza e unha das compañías fundamentais no nacemento e desenvolvemento da escena galega actual.