feira

A borrasca Ciarán non foi quen de augar unha xornada con tradición desde a Idade Media.

Monterroso, na Ulloa, ten 3.585 habitantes, mais cada 1 de novembro recibe unha avalancha de visitantes que multiplican por oito nun só día a súa poboación, os seus ingresos e a súa renda. A Feira de Santos é desde 2011 De Interese Turístico da Galiza e agora o Concello busca a distinción Interese Turístico estatal.

Galiza e Portugal aterran na feira da raíz, a tradición e a cultura popular

A concelleira de Promoción Económica de Pontevedra, Anabel Gulías, e a representante da Asociación de Empresarios da Mediana e Pequena Empresa (Aempe), Conchi Pereiro, debullaron o contido deste evento que serve como un punto de encontro de estudantes.

Ten 35 anos e reúne xente, veciñanza e gandeiros de toda a comarca baixo as altas árbores do Monte da Gañidoira. Trátase da Feira do Poldro e do Gando do Monte, no concello de Muras. ‘Nós Diario’ conversa con Paula Gómez, tenente de alcalde do municipio muresán para tratar a feira que este ano organiza ela e que ten lugar na última fin de semana de setembro.

A feira Músicas no Miño, MUMI, comezou esta quinta feira a súa cuarta edición amosando a diversidade das escenas actuais da Galiza e Portugal, salientando proxectos que experimentan utilizando a música tradicional como base, mais tamén outros que apostan na electrónica, o jazz, o pop ou as músicas urbanas.

O último sábado de agosto está marcado no calendario como o día en que San Sadurniño se converte en capital do desenvolvemento local, por medio da xa consolidada Feira Rural que este ano chega á súa 14ª edición. Un evento deseñado co obxectivo de reivindicar o potencial produtivo e económico das zonas rurais desde a óptica da sustentabilidade. ‘Nós Diario’ conversa co alcalde de San Sadurniño, Secundino García (BNG), para tratar esta Feira e as posibilidades que abre.

As feiras tradicionais formaron parte fundamental da paisaxe social e económica do país durante séculos. Quedaron retratadas en branco e negro e chegaron até finais do século XX con poucos cambios. A chegada da Semana Verde de Silleda abriulles un novo futuro e modificou, modernizando, o seu funcionamento. Eis a historia que relata José Ramón Castro Frade no seu traballo 'Feirear' (Galaxia, 2023), un relato documental vivido en primeira persoa por un investigador que coñeceu a fondo o sector primario do país. 

A lectura vai máis alá do libro. As feiras do libro comezan a decatarse de que os comportamentos culturais do século XXI son pouco propicios a dividir en compartimentos as diferentes disciplinas que entran en xogo no acto de ler. Por iso, o protagonismo dos libros, que segue sendo central, comeza a ser compartido por outros xéneros da creación que debuxan un panorama da cultura moito máis completo e complexo nas súas relacións internas.

A feira avanza as primeiras confirmacións do seu programa profesional integrado por unha selección de bandas e artistas que abrazan a diversidade estilística e que comparten en moitos casos un sustrato onde as músicas de raíz son a fonte da que beber. 

A romaxe comezará ás 11 horas deste sábado coa apertura da feira e desde esa hora haberá diferentes charlas e obradoiros sobre artesanía galega.

Culturgal arrinca este 2023 cunha nova persoa á fronte: Camilo Franco. O xornalista cultural e escritor, "cun perfil transversal que engloba tamén a xestión cultural", destacan desde a organización, asume o posto de director cunha folla de ruta que responde ás bases da convocatoria lanzada pola directiva da feira o pasado febreiro, segundo a cal o cargo poderá prorrogarse varios anos. A 16ª edición da Culturgal —do 1 ao 3 de decembro—, adiantan, promete ser fiel á esencia da feira como un "escaparate integrador das culturas galegas orientado aos públicos".

A Casa Maruxío acollerá os días 13 e 14 a cuarta edición da súa Feira da Labranza.

Desde o Concello melidense queren pór en valor todo o que a localidade ten para ofrecer: “O patrimonio cultural de Melide é moito máis que castros, mámoas, igrexas, pontes medievais, escudos da nobreza, cruceiro, pazos e casas grandes. É tamén o bo facer das súas xentes”.

O Concello volve organizar o evento no que colaboran Planteles Vivergal e a Deputación da Coruña, ademais dos postos que acudirán á cita con toda a súa oferta.

Suspendida durante dous anos por mor da pandemia da Covid-19, a Feira do Viño de Vilachá voltou o ano pasado incorporando novidades como a votación popular, a votación do xurado profesional, actividades complementarias ás degustacións de viño ou a presenza doutras adegas da Ribeira Sacra que posúen viñas nas ribeiras de Vilachá.

Persoas chegadas desde todos os concellos do Condado, procedentes de Tui, A Guarda, Vigo, Pontevedra, mesmo, familias da Coruña, Ourense e Lugo e das vilas portuguesas de Melgaço e Monçao, puideron gozar da gastronomía da zona, do requeixo e do mel, que superou as 3.000 racións servidas cada un dos días da feira.

A tradicional convocatoria aos medios de comunicación cambiou este ano con motivo da celebración da que será a edición número 30 da feira.

A celebración chantadesa está a contar cunha grande afluencia de xente e un ambiente festivo no que non falta o bo viño, a música e as actividades complementarias.