Fala ceibe

Continúa no Bierzo a campaña para poder ver a TVG. O colectivo cultural Fala Ceibe do Bierzo informa das numerosas queixas que está a recibir por parte de varios veciños e veciñas da cidade de Ponferrada alertando de que non poden ver a Televisión da Galiza (TVG) "desde hai varios días". "Hai lóxicas dúbidas sobre se este é un problema temporal, pola nova recomposición das canles televisivas, ou resulta estrutural pola alteración permanente da recepción da TVG na rexión do Bierzo, sinalan, ao tempo que piden recuperala "de forma definitiva".