As eleccións parlamentarias do domingo en Portugal poden supor a volta da extrema dereita ao Goberno tras ser derrocada na Revolución dos Cravos, que este ano alcanza o seu 50 aniversario.
Marco Antonio Freire Gomes, ex comandante do Exército brasileiro, testemuñou ante a Xustiza que o ex presidente de extrema dereita, Jair Bolsonaro, e o ex ministro de Defensa, Paulo Nogueira, lle presentaron dúas versións dun plan para executar un golpe de Estado e que Bolsonaro se mantivera no poder, revelou a terza feira o xornal O Globo. Carlos de Almeida Baptista, ex xefe das Forzas Aéreas, tamén responsabilizou o ex mandatario.
“Despois de 75 anos conseguimos rachar este teito de vidro”, destacou hoxe Alessandra Todde, candidata do Movemento 5 Estrelas avalada por forzas progresistas estatais italianas, que por primeira vez se impuxeron nestes comicios, e que se converterá na primeira muller en presidir Sardeña. A alianza gañadora considerou o resultado como unha derrota directa do Goberno de ultradereita de Giorgia Meloni en Roma.
A sondaxe da empresa Aximage para o Diário de Notícias, o Jornal de Notícias e a radio TSF, divulgada hoxe, coloca o Partido Socialista (PS) con cinco punto de vantaxe sobre a Aliança Democrática (AD), a coalición encabezada polo conservador Partido Social Democrata (PSD), coa ultradereita do Chega en terceira posición, de cara ás eleccións parlamentarias anticipadas que decorrerán o 10 de marzo.
Á hora do fechamento hoxe desta edición, a Cámara de Deputados arxentina proseguía co debate da ‘Lei ómnibus’, presentada polo Goberno de extrema dereita de Javier Milei. A iniciativa recolle unha declaración de emerxencia pública que lle permitiría asumir competencias do lexislativo. A axencia Télam indicou que a ultradereita confiaba en que a aprobación xeral do texto se producise hoxe, deixando para mañá os últimos puntos.
A casa e o despacho de Carlos Bolsonaro, un dos fillos do ex presidente de extrema dereita do Brasil entre 2019 e 2022, Jair Bolsonaro, foron rexistrados hoxe polas forzas de seguridade no marco dunha investigación por espionaxe ilegal no mandato do pai, após a operación da semana pasada para desarticular a trama na Intelixencia brasileira e na Polícia Federal, que afirmou que está a “avanzar sobre o núcleo político” do grupo criminal.
Unha sondaxe publicada hoxe polos xornais Correio da Manhã e Jornal de Negócios coloca o Partido Socialista portugués con 26,4% dos sufraxios, por diante da coalición encabezada polo conservador Partido Social Democrata, con 20,8%. En terceira posición sitúase a ultradereita do Chega con 16,6% dos apoios, e case 15% da poboación aínda non decidiu o voto. Os comicios lexislativos adiantados decorrerán o 10 de marzo.
Desde a pasada fin de semana, cada día milleiros de persoas en distintas cidades alemás -hoxe é a quenda de Hamburgo ou Münster- saíron á rúa a manifestarse contra a extrema dereita de Alternativa para Alemaña, segunda forza nas enquisas, ao coñecerse unha reunión de membros da formación con outros grupos ultradereitistas na que se presentou un plan para expulsar millóns de migrantes, até os que teñen nacionalidade alemá.
