Exército de Liberación Nacional de Colombia

O Executivo de Colombia e o Exército de Liberación Nacional pactaron na madrugada de hoxe prolongar durante seis meses máis o alto o fogo bilateral, que se desenvolve en paralelo ás negociacións para a desmobilización da guerrilla, que se comprometeu de “forma unilateral” a suspender os secuestros por motivacións económicas. O cesamento de hostilidades bilateral está en vigor desde o 3 de agosto de 2023.

O pacto de non agresión co Executivo de Petro comeza esta quinta feira.

O presidente colombiano e o líder do Exército de Liberación Nacional protagonizarán a cerimonia de clausura da terceira rolda de conversas de paz, na que todo apunta a un acordo para desenvolver ao longo de medio ano un alto o fogo que permita protexer as comunidades e acelerar a fin do conflito armado.

A confusión reina en Bogotá mentres Petro pugna por estabilizar un proceso de paz que quedou tocado polo comunicado do ELN no que nega un acordo co Goberno para o cesamento de hostilidades bilateral anunciado.

A guerrilla libera seis integrantes das forzas públicas en Arauca, maioritariamente militares, tras os primeiros contactos co Estado, abrindo a porta a reactivar o diálogo de paz bloqueado en 2019 polo Executivo que daquela lideraba Iván Duque.