Os colectivos, que souberon onte que o Goberno galego da sete días aos centros para que teñan os seus documentos particulares, sosteñen que o proxecto da Consellaría de Educación podería non ser viábel. Desde a Confapa-Galiza opinan que isto supón rexeitar a responsabilidade e trasladarlla ás familias.
Este sábado presentouse na igrexa de San Domingos de Bonaval en Compostela a Associaçom de Estudos Galegos, unha nova entidade cultural, que define como obxectivo fundamental “establecer e regular, a través do seu órgano académico, o padrón lingüístico galego”. Falamos cun dos membros do seu grupo promotor, Maurício Castro, que vén de abandonar a AGAL.
A “Diversidade lingüística e cultural na península Ibérica” é o tema do XVI Forum de Estudos Ibéricos que se desenvolve os días 20 e 21 de marzo na Universidade de Oxford. A AELG participa a través do relatorio da profesora Mercedes Queixas, “Tradución: a outra voz imprescindíbel para amplificar a visibilidade literaria”.
A Axencia dos dereitos fundamentais da UE editou o primeiro informe sobre violencia machista nos Estados membros. Desde o movemento feminista de Galiza subliñan que os resultados "veñen a confirmar" as súas denuncias mais tamén "a hipocrisia social na que vivimos".
O Ministerio de Economía respóndelle á estudante da USC que a súa documentación ten un “defecto”: está en galego, e que o goberno só acepta escritos ''en español o en inglés''. En estados como México ou Arxentina eses certificados en galego estanse a aceptar sen problemas.
Hoxe hai noventa anos, o 12 de outubro de 1923, que un grupo de mozos, estudantes da Universidade de Compostela, realizaron unha andaina desde Santiago de Compostela até a casa do Castro, parroquia de Ortoño, no concello de Ames da comarca da Maía, berce da familia paterna de Rosalía de Castro e onde pasara algún tempo de nena; con esta “peregrinación” simbólica e en homenaxe da escritora nacía o Seminario de Estudos Galegos.
A Asociación Internacional de Estudos Galegos (AIEG) celebrará a XI edición do seu congreso en Bos Aires os días 6,7 e 8 de abril de 2015.
O estudantado galego rexeita o varrido de graos que non xunten un mínimo de 50 matriculacións anuais, a escusa da consellaría de Educación para suprimir Filoloxía galega e Clásicas
