emerxencias

Centro de atención de emerxencias do 112 Galiza (Foto: Xunta).
SOCIAL

Unha muller de 53 anos falece en Oleiros a causa dun incendio na súa vivenda

Esta foi a segunda vítima mortal nun incendio esta semana na comarca da Coruña, tras o falecemento dunha muller maior con mobilidade reducida nunha vivenda de Bergondo, onde tamén afectou o lume.
Operativo en resposta ao incendio (Foto: Concello de Bergondo).
SOCIAL

Unha muller falece tras ser declarado un incendio nunha vivenda de Bergondo

Tres persoas resultaron ilesas despois de ser rescatadas tras declararse un incendio nunha vivenda unifamiliar do municipio de Bergondo (comarca da Coruña).
O furto do vehículo produciuse nos exteriores do CEIP Plurilingüe de Tui. (Foto: Google)
SOCIAL

Detido un home que roubou unha furgoneta en Tui cun bebé de 2 anos dentro

A nai aparcou nas inmediacións do colexio para recoller o outro fillo e deixou a outra menor no interior do vehículo, coas chaves postas.
Ambulancia do 061. (Foto: Nós Diario)
Agora

Ferido un home de 49 anos ao caerlle unha pedra de gran tamaño nunha perna mentres traballaba en Sada

Un home de 49 anos resultou ferido despois de resultar atrapado tras caerlle sobre a perna unha pedra de grandes dimensións mentres traballaba en Sada (comarca da Coruña). O accidente laboral produciuse ás 16 horas desta segunda feira no lugar de Chan de Aldea, na parroquia de Veigue, onde o ferido traballaba nun muro cando recibiu o impacto dunha rocha que lle atrapou unha perna. Decorridos 15 minutos, o operario logrou zafarse do peso da pedra e puido ser evacuado en ambulancia até o CHUAC pola ambulancia de Urxencias Sanitarias-061 que se desprazou á zona.
O muro caído esta segunda feira na ligazón da Vía Ártabra e a N-VI, en Oleiros. (Foto: Europa Press)
SOCIAL

Derrúbase un muro da ligazón da Vía Ártabra e a N-VI, en Oleiros, que se inaugurou hai menos dun ano

"O de que na Vía Ártabra todo é malo xa non vale; é peor aínda. O señor [Alfonso] Rueda vai ter que cambiar esta conselleira [Ethel Vázquez] polo ben da Galiza", afirma o alcalde, Ángel García Seoane.
Ambulancia do 061. (Foto: Europa Press)
SOCIAL

Morre un home de 74 anos e outro resulta ferido nun accidente de tractor en Neda

Outra persoa, de 43 anos, resultou ferida e foi evacuada ao Hospital Arquitecto Marcide de Ferrol.
Bombeiros traballan na extinción do incendio no edificio abandonado de Narón (Foto: Speis Narón).
SOCIAL

Tres incendios azoutan Salvaterra do Miño, Narón e Vigo

Medio centenar de veciños e veciñas dun edificio de tres bloques de vivendas do municipio de Salvaterra do Miño (O Condado).
Bombeiros traballan na extinción do incendio no edificio abandonado de Narón (Foto: Speis Narón).
Agora

Os bombeiros traballan para confirmar que non houbo vítimas no incendio dun edificio abandonado de Narón

Os bombeiros de Narón (comarca de Ferrol) extinguiron nas últimas horas un incendio que afectou a un edificio abandonado na Estrada de Castela, en Xubia, e iniciaron os labores de limpeza para confirmar que non se produciron vítimas, xa que o inmóbel adoita estar frecuentado por unha muller, aínda que a veciñanza afirmou que hai días que non a ve por alí. Segundo informou o 112 Galiza, o lume iniciouse pasada a medianoite e as chamas comezaron nun rocho, entre a planta menos un e planta cero do edificio. Os servizos de Emerxencia mobilizaron aos bombeiros de Narón, de Ferrol e á Policía. Os labores de extinción víronse complicadas polo estado de abandono do edificio.

Central de emerxencias do 112-Galiza. (Foto: 112).
SOCIAL

Un home de 44 anos e a súa filla de 17 falecen tras sufrir un accidente na AC-543

Outras dúas persoas permanecen graves no hospital.
Ascensor HALO de Vigo. (Foto: Pedro Davila / Europa Press)
SOCIAL

Seis adultos e tres crianzas quedan atrapados no ascensor Halo de Vigo por unha avaría

Sucedeu na tarde desta quinta feira e ningún deles requiriu asistencia sanitaria.
Ondas no litoral do concello de Oia (comarca do Baixo Miño). (Foto: Gustavo de la Paz / Europa Press)
SOCIAL

Alerta laranxa en todo o litoral galego por ventos e ondas de até 7 metros

A neve volve ás comarcas de montaña

coche vehículo condutor condución (Foto: Miguel Ángel Junquera)
Agora

Morre un home de 80 anos nunha colisión frontal entre dous vehículos en Carballeda de Avia

Un home de 80 anos morreu na mañá desta quinta feira nunha colisión frontal entre dous vehículos en Carballeda de Avia (O Ribeiro). O falecido manexaba un turismo de marca Renault que impactou ás 10.30 horas no quilómetro 3 da estrada OU-0306 contra un Citröen no que viaxaban dúas persoas, que resultaron ilesas. Segundo a información facilitada pola Garda Civil de Ourense, a vítima mortal, que se atopaba soa no vehículo, non levaba abrochado o cinto de seguridade. O falecido é un veciño de Carballeda de Avia de 80 anos de idade. Á zona desprazáronse membros da unidade de investigación da Garda Civil de Ourense para redactar as dilixencias do sinistro.
Controlador de Salvamento Marítimo no seu posto de traballo. (Foto: Salvamento Marítimo)
SOCIAL

CSIF denuncia que falta de profesionais ameaza a seguridade marítima

CSIF denuncia a "mala xestión" de Salvamento Marítimo ao fomentar gardas en solitario sen "posibilidade de descanso", algo que desmenten desde o ente público

Embarcación de salvamento marítimo. (Foto: Salvamento Marítimo)
SOCIAL

Localizan o corpo sen vida dun home no peirao de Curuxeiras, en Ferrol

Polo momento, non está identificada a identidade do cadáver, ao que se lle realizará a autopsia no Hospital Naval.

Predio onde foi atopada a maleta, na rúa Espedrigada de Vigo. (Foto:0 Adrián Irago / Europa Press)
SOCIAL

Buscan un home que convivía cunha muller nunha pensión de Vigo pola súa posíbel relación co crime da maleta

O home residiu alí até setembro, mentres que a ela perdéuselle a pista meses antes

Colapso da ponte en Xunqueira de Espadanedo. (Foto: Europa Press)
SOCIAL

Colapsa parte dunha ponte sobre a estrada OU-536 en Xunqueira de Espadanedo

O tráfico está desviado polas estradas OU-0106 e OU-0153.
Lugar no que se atopou o corpo sen vida da muller. (Foto: Adrián Irago / Europa Press)
SOCIAL

O corpo da muller achado nunha maleta embalada en Vigo estaba semiespido e moi deteriorado, pero non desmembrado

Os investigadores traballan agora en identificar a vítima e en determinar a causa da morte, sen transcenderen polo de agora máis datos sobre o suceso.
Bombeiros tratando de sufocar o incendio en València esta pasada noite. (Foto: Jorge Gil / Europa Press)
País Valencià

10 falecidos e múltiples desaparecidos e feridos no incendio dun edificio en València ao que os bombeiros aínda non puideron acceder

"Polo momento temos identificadas a 14 persoas ilocalizábeis, cifra que vai variar porque traballamos en tentar localizar as persoas que poderían quedar", sinala a delegada do Goberno estatal no País Valencià, Pilar Bernabé.
Ascensor HALO de Vigo. (Foto: Europa Press)
SOCIAL

Falece un mozo que se precipitou desde o Halo de Vigo, o segundo en 15 días

O home chegou con vida ao Cunqueiro, onde faleceu finalmente pola gravidade das lesións.
Ponte de Rande. (Foto: Marta Vázquez Rodríguez / Europa Press).
Agora

Arde un turismo na ponte de Rande e provoca retencións na AP-9

Un vehículo ardeu na mañá desta quinta feira na ponte de Rande e provocou amplas retencións na AP-9 en dirección Vigo. Con todo, o suceso non provocou ningún dano persoal. En concreto, segundo informou a central de emerxencias do 112-Galiza, o incidente tivo lugar ás 8.15 horas no quilómetro 147 da Autoestrada do Atlántico. Nese momento, varios particulares chamaron o 112 para avisar do suceso. Ao lugar desprazáronse os bombeiros do Morrazo, a Policía Local e a Garda Civil. O 112 explicou que, aínda que o vehículo quedou calcinado por completo, o condutor, que puido saír do turismo, non sufriu danos.