[EN ACTUALIZACIÓN] Co 98% das papeletas escrutadas, o PP acada de maneira folgada a maioría absoluta ao se facer con 41 escanos. En Marea logra 14 e o PSdeG logra 14 escanos, mentres que o BNG obtén 6.
Aínda que os dados recollidos até as 12h (un 14,96% de 2016 face o 12,74% de 2012) apontaban a unha maior mobilización na Galiza, os dados correspondentes ás 17 horas, co 100% das cifras, amosan unha porcentaxe practicamente igual: o 42,49% face o 42,50% de 2012.
Segundo afirma DO, a Xunta Eleitoral tería comunicado ás persoas que presiden as mesas que ordenen aos interventores do PP a retirada de calquer material de propaganda.
Os 2.463 colexios eleitorais están a receber xa a visita de miles de galegas e galegos nas primeiras horas dunha votación que concluirá ás 20 horas. Ás 12.30 horas, a Xunta oferecerá o primeiro dado de participación.
Feijóo pediu durante a campaña ser eleito directamente polo eleitorado, para non depender do apoio de ningunha outra forza política. Mais non é posíbel. Non votamos presidente ou presidenta, votamos deputados e deputadas. É preciso ter o apoio mínimo de 38 escanos para acceder á chefia do Executivo galego.
Sen sorpresas nos roteiros das distintas forzas políticas. Todo moi medido e moi polo rego. Así concluíu esta sexta feira a campaña das eleccións galegas, que deixa todo aberto e todo por decidir: se o próximo Parlamento ten maioría de direitas ou progresista e nacionalista, e que status político terá o país nos próximos anos.
No seu vlogue, o director de Sermos Galiza, Xosé Mexuto, pasa revista aos 15 días de campaña eleitoral, que esta noite ás 24.00 horas toca ao seu fin.
A Coruña rexistra o maior número de solicitudes en custodia, con 16.076; seguida de Pontevedra, cun total de 12.577; de Lugo con 5.432 e de Ourense con 5.387, segundo os datos facilitados por Correos.
O candidato de En Marea apela ao voto dos que rexeitan a corrupción nun mitin onde recordou os numerosos casos que salpican o PP. “Apártate da fatalidade, vai caer Baltar, vai caer Rajoy e vas caer ti. Porque non vai pasar que venzan os malos”, recomendou ao candidato Núñez Feijóo.
A aspirante do BNG á Xunta pide non conformarse este domingo cun “cambio de caras” e reclama que aqueles que aspiran a un cambio “desde un proxecto de país” aposten pola súa candidatura.
Propostas concretas. Iso reclama o electorado comicio tras comicio fronte a choiva de titulares e slogans fabricados polos equipos de campaña. Esmiuzamos os programas electorais das principais forzas políticas cando a carreira cara ao 25S esgota xa as súas últimas 24 horas.
O organismo considera que infrinxiron a Lei Electoral no relativo á celebración de actos institucionais durante a campaña, despois dunha denuncia do PSdeG de Ribadavia. O secretario xeral do PPdeG, Miguel Tellado, o presidente do Parlamento galego, Miguel Santalices, ou a cabeza de lista dos populares en Ourense, Marisol Díaz, entre os expedientados.
A aspirante nacionalista asegura que sería a primeira vez que Galiza conta cun organismo con “competencias plenas” nas cuestións que afectan á xuventude. Chama a establecer “un novo contrato social para que ningún mozo ou moza quede atrás ou teña que emigrar por falta de oportunidades no noso país”.
A deputada de Podemos no Congreso asegura que “estamos a tres días de ver o peche do capítulo deste sistema dos vellos partidos do bipartidismo e das políticas contra a xente”, durante unha conversa con Luís Villares en Compostela.
Son profesores de educación Infantil e Primaria, profesorado de Secundaria, de Formación Profesional, de ensinanzas de réxime especial e de Universidade. “O ensino precisa unha mudanza urxente”, defenden e é no programa do BNG, afirman, no que se reflicte o compromiso para cun ensino público, galego e de calidade.
As fendas no seo da esquerda e centro-esquerda estatal continúan a se aprofundar embora estexamos en período eleitoral. En Podemos xa ninguén discute que o debate é polo poder interno. No PSOE, os críticos -que defenden un acordo con Rajoy- conspiran para derrocar Pedro Sánchez a mesma noite do 25S.
A candidata do BNG afirmou que os nacionalistas darán a sorpresa este domingo “porque somos a garantía do cambio real" e “temos un proxecto político de país, solvente, coherente e con experiencia” , durante un mitin multitudinario no Teatro Rosalía da Coruña.
