eleccións galegas 2016

A campaña do BNG non só resultou nun significativo incremento de votos a respeito das últimas convocatorias eleitorais -as dúas voltas das xerais-, senón tamén impactou pola súa factura técnica. No Sermos215 entrevistamos a súa directora, Goretti Sanmartín. Eis un avanzo da conversa.

O discurso mantra de Luís Villares xa en campaña e tamén nos últimos días é que En Marea é unha organización política con personalidade propia, un partido, e que veu para ficar.

Primeiro torpedo á liña de flotación da Marea desde Madrid. Un dos ideólogos de Podemos considera que os resultados na Galiza terían sido mellores para a súa formación política se Podemos non se tivese integrado na Marea.

Ana Pontón anuncia unha oposición “firme”, con “ideas e alternativas” e na procura de construír unha “alternativa de futuro” para Galiza.

Día de análises pormenorizadas nos cuarteis xerais das distintas forzas políticas, coa resaca no corpo do novo triunfo esmagador de Feijóo na Galiza. No campo gubernamental, os días de viño e de rosas do PP non parecen ter fin. No da oposición, desde o 20D e o 26X -as dúas eleccións xerais cuase consecutivas- verificouse unha redistribución do voto, en favor do BNG e en detrimento de PSdeG e En Marea. A respeito do 20D de 2015, En Marea cedeu un de cada tres votos e o Partido Socialista, un de cada catro. O Bloque, por contra, aumentou os seus seus apoios nun 68,8% se o pomos en relación co 20D e un 164% en relación co 26X.

O último candidato en concorrer perante os medios na noite eleitoral foi o gañador, Alberto Núñez Feijóo, quen advertiu que non é “salvador de ninguén, senón servidor de todos”. E iso, engadiu, “seguirei sendo até 2020”.

Villares (En Marea), Leiceaga (PSdeG) e Cristina Losada (Ciudadanos) compareceron diante dos medios para valorar os resultados eleitorais. Mentres Villares optou polo ton de celebración ao lograr “dous dos tres obxectivos marcados”, Leiceaga apelou a “facer autocrítica” e Losada optou por culpar do resultado a lei eleitoral.

A portavoz nacional destaca que o BNG moveu á ilusión para “desmontar as enquisas” e apelou a “traballar xa para construír unha alternativa”.

O PP de Feijóo obtivo unha esmagadora vitoria nas eleccións galegas. Subiu en termos absolutos e relativos a respeito de 2012. Os 41 escanos nun Parlamento de 75 fan da Galiza o único país do Estado gobernado por maioría absoluta. En Marea non consumou o sorpasso e empatou na segunda praza co PSdeG. BNG, por súa parte, superou as expectativas, derrotou os inquéritos e fíxose con 6 parlamentares, 2 por A Coruña, 2 por Pontevedra, 1 por Lugo e 1 por Ourense. O grande derrotado foi o españolista Ciudadanos, con apenas o 3,37 por cento do voto.