Eleccións europeas 2019

Co obxectivo de nas vindeiras eleccións galegas de 2020 “ter opcións”, segundo afirmou o secretario xeral de Podemos na Galiza, a súa formación fai un chamamento a "reconstruír o espazo rupturista".

En Marea acordou abrir un proceso de reflexión logo duns resultados nas urnas que avaliou como “decepcionantes”. Escollerán unha nova dirección, tan só medio ano após tela renovado no proceso de primarias que simbolizou a ruptura do espazo político, e propuxo ademais a Mariló Canedo como senadora.  

A executiva nacional do BNG pon en valor o seu avance social cos resultados obtidos nas urnas e, en canto aos pactos, anuncia que se avaliará “caso a caso” e que a militancia a través das asembleas locais será clave na toma das decisións. Así mesmo, o Bloque comprométese a evitar gobernos de dereita e a levar a cabo políticas transformadoras.

As eleccións europeas do 26M deron escano a dous galegos e unha galega que terán o deber de representar os intereses do noso país na eurocámara. Continúan Ana Miranda polo BNG e Francisco Millán do PP, e estréase Nicolás González polo PSdeG. Nin Lídia Senra de En Marea nin as galegas Vanessa Angustia e Carmen Rei de Unidas Podemos conseguiron escano.

“Comezou a conta atrás para o PP” afirmou a portavoz nacional do BNG após analizar os resultados das eleccións municipais e europeas. Pontón salientou que o BNG está chamado a ser o protagonista do cambio político que augura para o país nas eleccións galegas de 2020.

As eleccións do 26M significaron un importante avance para o PSdeG ante un PP que continúa perdendo poder. O secretario xeral do PSdeG, Gonzalo Caballero, amósase satisfeito após analizar uns resultados que simbolizan para o líder do PSdeG a “apertura dun tempo novo para o país”, en relación á nova caída que sofre Feixoo.

Junts per Catalunya foi a candidatura máis votada no Principat nas eleccións europeas. A lista encabezada por Carles Puigdemont, exiliado en Bélxica, obtivo 987.149. Mais tamén recolleu apoios no exterior, en concreto 38.262 sufraxios que viron nesa papeleta unha mostra de solidariedade, unha impugnación da deriva represiva do aparello xudicial estatal ou a opción máis achegada ás súas ideas.

O PSdeG gaña as eleccións europeas en Galiza con cinco puntos de vantaxe sobre o PP mentres que o BNG rexistra un grande aumento ao duplicar os apoios a respecto das eleccións de 2014. A candidata de En Marea: Compromiso por Europa, Lídia Senra, perde o seu escano en Bruxelas.

A participación nas eleccións segue a subir, quer nas municipais, onde votou o 52% do censo, fronte ao 50,97 de 2015, quer nas europeas, onde votou o 49% das persoas con dereito ao facer, fronte ao 34,07% que o fixeran en 2014.

Os primeiros datos de participación ofrecidos polo Ministerio do Interior informan dun 34,24% na porcentaxe de persoas que acudiron ás urnas até as 14 horas para votar nas eleccións municipais a respecto de 2015. A respecto das europeas, a participación aumenta máis de 12 puntos, pois votou até as 14 horas un 32,95% do censo, cando en 2014 votara até as 14 horas o 20,9%.

Finalmente a mesa de voto abriu. Passava das 10 horas mas, para além dos votos, resta a intenção da Associação Montalegre com Vida: “Estamos a fazer um voto de protesto, ou seja, recusamos votar porque não concordamos com aquilo que o nosso Governo está a fazer com a nossa terra. Se é este tipo de desenvolvimento que eles querem para o Interior, nós não concordamos”

Ás 9.16 horas ficaron constituídas as 3.955 mesas electorais distribuídas ao longo da Galiza. Son máis de 11.800 as persoas que as compoñen para participaren nas eleccións municipais e europeas.

Cada domingo electoral milleiros de persoas colaboran coas formacións políticas dando presenza ás súas siglas nos colexios electorais como interventoras e apoderadas, co obxectivo de velar por un correcto funcionamento das votacións.

Este domingo será decisivo para o futuro electoral de Galiza, pois de repetirse a perda da hexemonía do PP acontecida nas xerais perigará o futuro de Feixoo e abrirase a porta a un posíbel goberno sen o PP na Xunta en 2020. Semella que o PSOE ascenderá e arrebatará algunhas alcaldías ás mareas. Un BNG á alza está chamado a ser a terceira forza hexemónica.

As formacións políticas puxeron o broche á campaña electoral máis longa das últimas décadas, xa que se concatenou á das xerais e máis a unha precampaña inmensamente tensa e mediática. As últimas mensaxes do PP e as Mareas tentan reverter as enquisas e dar a sorpresa o domingo. BNG e PSdeG séntense fortes e á alza. Ciudadanos tenta mobilizar a quen votou pola formación de Rivera nas xerais e Compromiso por Galicia ve as eleccións municipais con certo optimismo.  

No último día de campaña electoral o investigador e candidato do BNG Carlos Babío, coautor do libro ‘Meirás, un pazo, un caudillo, un espolio’, recibiu unha citación da familia Franco a raíz da denuncia que os netos do ditador lle presentaran pola súa reivindicación pola devolución do patrimonio espoliado ao pobo.

Nado en San Cibrao (Cervo) en 1977, Juan Carlos Piñeiro Docampo é o candidato de Compromiso por Galicia (CxG) ao Parlamento Europeo. Sindicalista da UXT e asesor laboral, foi elixido secretario xeral da formación galeguista en 2017. Responde este cuestionario a través do correo electrónico.