Eleccións estatais 2019

Con máis de 92% escrutado, estas son as porcentaxes de apoio nas cidades.

As enquisas publicadas pasadas as 20 horas deste domingo puñan o foco a nivel galego no BNG, que disputaba o seu escano pola circunscrición da Coruña con Vox. A forza nacionalista sobe e supera a barreira dos 118.000 votos; PP e PSOE empatan a dez escanos, cunha lixeira vantaxe dos populares, e En Común-Unidas Podemos mantén a representación malia caer en apoios.

Aínda que empatados en escanos, con 10 cada un, o PP obtén na Galiza un resultado lixeiramente superior ao do PSOE. En Común-Unidas Podemos mantén as súas 2 actas e o BNG saca representación pola Coruña. Estes son os resultados co 92,60% dos votos escrutados.

O descenso na participación das electoras e electores na xornada deste domingo centro boa parte das primeiras declaracións públicas realizadas desde os partidos.

[ACTUALIZADA ÁS 20.38] A enquisa (anterior ás votacións) prognostica un empate a escanos entre o PP e o PSOE na Galiza, con 10 actas cada un. En Común-Unidas Podemos mantería as súas dúas deputadas mentres que BNG e Vox desputarían a acta pola Coruña. A nivel Estado, o PSOE vence, pero baixa (ficaría entre 114 e 119); mentres sobe a dereita PP (de 85 a 90 escanos) e Vox (de 56 a 59). Non habería maiorías claras para un pacto de Goberno nin á dereita nin á esquerda.

 

Ás 18 horas deste domingo electoral a participación baixou na Galiza 5,73 puntos. Votou xa o 53,27% do electorado cando no 28A fixérao na mesma franxa horaria o 58,91%.

Até os colexios electorais acudiron as e os líderes políticos e candidatos para exercer o dereito ao voto e animaron a poboación a participar nas urnas.

Na Galiza hai máis de 2,2 millóns de persoas chamadas a acudir aos colexios electorais este domingo. Son 3.000 menos que en abril. As galegas e galegos escollen o 10-N un total de 23 representantes para o Congreso e 16 para o Senado.

As forzas políticas animan a participar nas eleccións do 10-N. Tomar o vermú na compostelá praza de Abastos, pasear coa familia, mercar roupa para as crianzas ou acudir aos magostos propios deste mes son algúns dos plans das e dos líderes e candidatos das forzas políticas para este sábado de reflexión.

O colectivo de profesionais en defensa da CRTVG denuncian que esta compañía pública invisibiliza o único debate realizado na Televisión Galega sobre as eleccións xerais, dedicándolle «cero minutos na crónica das 14 horas» na radio cando ao debate estatal da segunda feira dedicou catro minutos.

A progresiva desindustrialización, o aumento das taxas de desemprego, as baixas pensións ou a emigración dunha mocidade que non atopa futuro no país son algunhas das problemáticas que sofre Galiza. Sermos Galiza analiza as propostas dos partidos políticos para facerlles fronte

As forzas políticas poñen o ramo á campaña electoral das xerais, cun cenario aberto para a Galiza e con todo por decidir. As e os candidatos chaman á participación nos cuartos comicios deste 2019.

A portavoz nacional do BNG, Ana Pontón, quixo esta sexta feira ser "moi clara" e pedir o voto a "todas esas persoas que apostaron polo PSOE e por Podemos" nas eleccións do 28 de abril e que se atopan "decepcionados por como xogaron co seu voto".

Nunha sexta feira ás 10 horas a CRTVG emitiu o único debate galego. As candidatas de PSdeG, PP, En Común-Unidas Podemos, Ciudadanos e BNG contaron cunha hora para presentar e debater as súas propostas arredor de dous grandes bloques: o modelo de industria e enerxético e o modelo social e territorial. O tempo foi escaso para cubrir todos os temas, cun PP e un PSdeG cruzando reproches e críticas ao bipartidismo do resto de forzas e unha Galiza que en ocasións, debido aos partidos estatais, perdía presenza ante Madrid ou Catalunya.

Néstor Rego (O Vicedo, 1962), docente no ensino medio, secretario xeral da UPG, concelleiro en Compostela entre 1995 e 2008, fundador nos tempos de estudante dos CAF, repite como cabeza de lista do BNG pola Coruña, a circunscrición na que as nacionalistas conseguiron os mellores resultados en abril (6,6% do voto). Rego aspira a alcanzar un escano no Congreso que certifique a recuperación do BNG. As enquisas indican que compite por Vox por esa acta. 

A organización independentista Causa Galiza acordou solicitar “ás independentistas galegas e galegos” o voto “táctico e masivo” no BNG.

O BNG anunciaba na mañá da quinta feira unha campaña nas redes para evitar que Vox participase no debate electoral que a CRTVG organizou para esta sexta feira, día 8. Vox anunciou a Sermos Galiza que non participará do debate.

O secretario xeral do PSdeG, Gonzalo Caballero, asegurou que os últimos días da campaña electoral están a demostrar que “a coalición de dereita coa extrema dereita representa un ataque directo ao Estado da autonomía”. Caballero falou deste xeito durante a súa visita matinal a Pontevedra o día no que celebrou actos nas catro circunscricións galegas.

As nacionalistas recorren á web change.org para sumar apoios a unha demanda que evite que “un partido de extrema dereita que defende posicións franquistas” utilice os medios públicos galegos para difundir a súa mensaxe.

A candidata do PSdeG ao Congreso defínese, ante todo, como “mestra”. Olga Alonso conversa con Sermos Galiza sobre as eivas que sofre o tecido industrial de Vigo e as comarcas circundantes, da necesidade de atender ás pensionistas ou dos retos que enfronta o sindicalismo. Ela foi a primeira muller na Galiza en ocupar o cargo de delegada comarcal, en 2007 con UXT.