Día Internacional do Traballo

O conflito contra a reforma das pensións de Macron intensificouse esta segunda feira.

As mobilizacións foron reprimidas pola Policía.

A portavoz nacional do BNG, Ana Pontón, reclamou unha “saída xusta” ante unha crise dos prezos “con escandalosos beneficios” para sectores como as eléctricas ou a banca, segundo expuxo na manifestación convocada pola CIG en Vigo con motivo do Día Internacional da Clase Traballadora. Pontón incidiu nas “dificultades” polas que pasa a clase obreira para chegar a fin de mes e destacou que “o incremento do beneficio empresarial está sete vez por riba dos salarios”.

O secretario xeral do PSdeG, Valentín González Formoso, reivindicou a xestión do Goberno do Estado en material laboral, con motivo da mobilización do primeiro de maio en Vigo, á que asistiu xunto a outros dirixentes políticos. “Hoxe é un día de celebración, non é para estar totalmente satisfeitos pero si estamos no bo camiño para recuperar dereitos dos traballadores e das traballadoras”, sentenciou en declaracións á prensa.

O presidente da Xunta da Galiza, Afonso Rueda, chamou nas súas redes sociais a aproveitar “con sentidiño” as oportunidades para prosperar na Galiza. O líder do PP na Galiza, que non participou en ningunha das manifestacións convocadas polo Día Internacional da Clase Traballadora pero si na coroación da Virxe da Xunqueira, en Cee (Fisterra), afirmou que a Galiza “ten potencial para seguir crecendo e creando cada vez máis postos de traballo de calidade”.  

Máis de mil persoas manifestáronse na Coruña na mobilización convocada por CCOO e UXT. Ambos destacan a importancia da nova reforma laboral e lanzan críticas contra a CEOE.

A Central Unitaria de Traballadoras (CUT) realizou este domingo catro mobilizacións que percorreron as rúas da Coruña, Compostela, Vigo e Ourense. 

Milleiros de persoas participaron este domingo nas mobilizacións polo1 de maio convocadas en 15 cidades e vilas galegas pola CIG. A máis numerosa foi a de Vigo na que estiveron o secretario xeral da central nacionalista, Paulo Carril, e a portavoz nacional do BNG, Ana Pontón.

Os sindicatos chaman á mobilización e a actuar contra a suba dos prezos e os efectos da crise na clase traballadora.

O sindicato con maior representación na Galiza, ademais de convocar estas mobilizacións, propón unha batería de propostas e medidas para facer fronte á actual situación económica.

Entre as súas demandas figuran "retomar os compromisos cos sindicatos e a cidadanía" ademais da derrogación das reformas laborais e das pensións. 

Milleiros de persoas reclamaron "unha saída galega xusta á crise", así como "políticas alternativas" ás que agora están a provocar "a desertización industrial e social da Galiza".