Deleite

O Consello da Cultura Galega (CCG) conmemora esta terza feira o 25 aniversario dos Encontros para a Normalización Lingüística cunha nova achega centrada no ámbito socioeconómico. 'Economía, lingua e sustentabilidade' é o título da xornada que dará conta das iniciativas normalizadoras de máis dunha ducia de profesionais e empresas da Galiza arredor da lingua.

Pedro González Boquete é o director executivo de Leite Noso S. L., a sociedade de gandeiros que pon o seu produto no mercado a través de dúas marcas, Deleite e Muuu. Boquete defende a necesidade dos sectores produtivos galegos de, ademais de "facer marca", "facer país" e reitera o grande esforzo feito polos gandeiros e gandeiras galegas nestas décadas para modernizarse e competir.