decrecemento

O alcalde de Pontevedra, Miguel Anxo Fernández Lores, acompañado da concelleira Anabel Gulías e de Mario Pansera -responsábel da organización dos eventos-, participou esta cuarta feira na presentación da décima International Degrowth Conference [Conferencia Internacional de decrecemento] e da décimo quinta Conference of the European Society for Ecological Economics [Conferencia da Sociedade Europea para a Economía Ecolóxica], nunha dobre cita que terá lugar en xuño na cidade. "O decrecemento asusta un chisco, mais facer unha transición ecolóxica e recoñecer que o crecemento non pode ser infinito e que temos que adaptarnos, ao tempo que podemos ter unha altísima calidade de vida sen esgotar todos os recursos do planeta nin moito menos, é absolutamente razoábel", expresou Fernández Lores.

Un dos temas que máis preocupan á sociedade é o futuro da enerxía. Con esta idea, Rosa Regueiro reunirá na USC, entre o 4 e o 7 de setembro, especialistas que analizarán a situación enerxética en base á desmaterialización, o decrecemento e a súa transición.