cultura mariñeira

Un encontro de embarcacións tradicionais será o epicentro da xornada.

Os versos de Rosalía que lembran a navegación polo Ulla inspiraron a Inchadiña Branca Vela, unha iniciativa que este ano chega á súa sétima edición, organizada pola Fundación da poeta e a asociación Dorna da Arousa. Unha vintena de embarcacións tradicionais (dornas, xeiteiras, gamelas, botes...) remontaron Ulla e Sar para celebrar a autora de Follas Novas.

 

Arredor dunha trintena de embarcacións participarán nas XIX Xornadas de Cultura Mariñeira que comeza hoxe en Muros e que constitúe todo un miradoiro desde o que observar a riqueza e a diversidade da cultura do mar na Galiza.

O programa botará a andar o sábado pola mañá ás 11.30 horas coa inauguración da exposición O mar na obra gráfica de Xosé Conde Corbal.

Os vindeiros sábado 9 e domingo 10 de setembro terá lugar no lugar de Torreboredo, na Estrada (Terra de Montes), a Feira do Mar en Terra, que quere amosar e revalorizar o patrimonio marítimo nas súas diferentes vertentes.