Consello de Ministros

A suba do salario mínimo é de 15 euros mensuais con 14 pagas desde o 1 de setembro. Con respecto á situación na illa da Palma logo da erupción volcánica, pactouse unha partida de 10,5 millóns de euros para os gastos máis urxentes.

O Consello de Ministros que decorreu onte sen a presenza de Pedro Sánchez, que se atopa na illa canaria da Palma, tratou as previsións macroeconómicas que acompañarán os OXE de 2022.

Recuperaranse 2.500 millóns de euros de beneficio das eléctricas polos altos prezos até marzo de 2022, nunha das medidas do paquete aprobado onte polo Consello de Ministros. A estimación do Goberno estatal é que a factura da luz baixe até o 30% antes de final de ano, na liña da promesa feita por Pedro Sánchez.

Punto e final á antiga FP co envío ao Congreso da proposta para unha nova Formación Profesional, que incluirá entre o 25% e o 50% de tempo lectivo en prácticas con contratos remunerados, adiantou Pilar Alegría, ministra de Educación e FP.

O Consello de Ministros envía ao Congreso a norma sobre o sistema universitario, sostendo que vai permitir mellorar a educación superior e crear un escenario para impulsar a innovación. Propón a participación das universidades en empresas que exploten o coñecemento que desenvolvan.

Comeza o curso político co primeiro Consello de Ministros despois da volta das vacacións de verán. Nesta primeira xuntanza, o Executivo español aproba enviar ao Congreso a lei para garantir o poder adquisitivo das pensións, así como unha declaración de emerxencia por incendios da que a Galiza foi excluída.

Na visita a unha das vilas afectadas polo incendio de Navalacruz, que xa levou por diante 22.000 hectáreas, Sánchez avanza que o Consello de Ministros aprobará a declaración de "zonas gravemente afectadas pola emerxencia de protección civil" naqueles territorios que padeceran os lumes.

O Consello de Ministras e Ministros deu luz verde á prórroga das medidas do decreto lei de 'escudo social', que expiraban o vindeiro 9 de agosto, polo que a súa vixencia manterase cando menos até 31 de outubro. Tamén foron repartidos os fondos para a recuperación prometidos por Pedro Sánchez aos territorios.

14 anos despois da Lei de memoria histórica aprobada no mandato de Zapatero, o Consello de Ministras e Ministros dá o visto e prace á norma de memoria democrática, que anula as sentenzas dos órganos xudiciais usados para a represión e ilegaliza a fundación que xestiona o Val dos Caídos. 

O Goberno estatal autoriza a senda de gasto para as bonificacións das peaxes na AP-9.

Entre 1% e 1,7% do Produto Interior Bruto, ese é o cálculo do Goberno do Estado do impacto que suporá o investimento para impulsar a mobilidade eléctrica e conectada. A meirande parte do investimento está dirixido a unha convocatoria de proxectos en beneficio do sector privado.

14 ministras e 8 ministros conforman o novo gabinete de Pedro Sánchez, presidente do Estado, que tomou posesión hoxe nunha cerimonia na Zarzuela antes da recollida de cadansúa carteira ministerial. Este equipo, con oito caras novas, conforma segundo Sánchez "o Goberno da recuperación".

A lei do "só si é si" chega ao Congreso despois de ser aprobada nesta terza feira na xuntanza do Consello de Ministras e Ministros, recollendo as recomendacións do Convenio de Istambul co obxectivo de "erradicar a violencia sexual", apunta o Goberno. Así, "toda conducta sexual sen consentimento será agresión".

O mecanismo para reducir os aportes ás empresas enerxéticas será reducir o dividendo de carbono que reciben polas hidroeléctricas e nucleares anteriores a 2005. Segundo o Goberno do Estado isto implicará unha baixada de entre o 4% e o 5% na factura eléctrica de consumo doméstico.

O Consello de Ministros de hoxe, presidido pola vicepresidenta primeira, Carmen Calvo, instou os territorios a pór en marcha as liñas de axudas directas a empresas e persoas que traballen por conta propia pola afectación da pandemia; amais, abren un novo tramo de 15.000 millóns en avais no ICO.

6.820 millóns irán a rehabilitación de vivenda e rexeneración urbano, con axudas para a rehabilitación e melloras da eficiencia enerxética de até 100% da vivenda, incluíndo a instalación de paneis solares.

O Consello de Ministros fai públicas as previsións para a vacinación

A primeira partida é de 19,8 millóns de euros

O Consello de Ministras e Ministros prevé aprobar na terza, 27 de outubro, o proxecto de contas públicas, aínda que a negativa do PSOE a regular os prezos dos alugueiros dificulta o acordo con Podemos no seo do Goberno. 

171 propostas, entre decretos e leis, son as que quere sacar avante o Goberno español no que queda de ano. Así figura na folla de ruta que aprobou o Executivo. Entre elas salienta a norma que regulará o teletraballo, a reforma da Función Pública ou a nova Lei de Memoria que deixaría sen financiamento público a Fundación Francisco Franco.