competencias

"Quédanme unhas horas como presidente", dixo Alberto Núñez Feixoo na súa comparecencia após presidir o seu derradeiro Consello da Xunta. Unha dimisión que todo apunta a que se materializará na sexta feira e que abre as portas a enfilar a recta final da sucesión que leve a Alfonso Rueda á Presidencia. 

O marco competencial da Galiza está á cola das denominadas nacionalidades históricas. Unha vez superada a avalancha de transferencias dos primeiros anos do réxime autonómico e da segunda metade dos 90, o proceso ficou paralizado. Feixoo, nos seus 13 anos na Xunta, non conseguiu ningunha nova competencia.

O TSXG sinala que a cuestión de cando o marisqueo está suxeito a autorización ou concesión está resolta pola Lei de Costas e a Lei 11/2008 de Pesca da Galiza, polo que "non é un extremo regulado polo PXEM".

No discurso de fin de ano, o presidente Feixoo vangloriouse das taxas de vacinación e do exemplo do pobo galego nesa cuestión, apuntando o Xacobeo como elemento crucial deste novo ano.

A deputada Noa Presas levará ao Parlamento o asunto diante da subida da factura da electricidade e co obxectivo de que o país decida sobre as súas "necesidades e prioridades enerxéticas". Aliás, exixirá que se investigue a solta de auga masiva en diversas presas da conca Miño-Sil.

Galiza leva sen conseguir novas transferencias desde que hai 12 Alberto Núñez Feixoo chegou á Xunta. Porén, o Goberno galego estima que "o ritmo" de transferencias só se "atrasou".

As delegacións do Goberno catalán e estatal reuníronse para reactivar o traspaso de competencias na comisión bilateral, un órgano creado en 2006 polo Estatut de Catalunya que non se xuntaba desde 2018. A Generalitat solicitou 56 competencias e reclamou a xestión descentralizada dos fondos europeos.

Como un dos "máis activos" e "moi intenso". Así define Pedro Puy o período de sesións do Parlamento galego que vén de concluír. "Levamos nesta lexislatura 14 leis", informa, e engade o traballo realizado na comisión de reactivación. Conversamos con el sobre as cuestión chave que marcan a política galega.

Os socialistas presentan emendas alegando que transferir a súa propiedade "podería comprometer" a aprobación de bonificacións ás peaxes por parte do Goberno. O BNG advirte: "Non imos aceptar un trato discriminatorio a Galiza".

O BNG emendou o proxecto de Lei sobre tráfico para solicitar que se incorporen máis empregadas e empregados públicos para evitar a externalización de servizos na Dirección Xeral de Tráfico, tamén reclama que se elimine a prohibición de aumentar en 20 quilómetros por hora a velocidade para adiantar nalgunhas vías.

O PP cambiou de rumbo nas súas demandas en cuestión de semanas.

“Non estamos dispostos a asumir as competencias administrativas de Tráfico se isto supón prescindir do labor que realiza a Garda Civil” dixo o secretario xeral do PPdeG, Miguel Tellado.

A Xunta considera que antes de pedir novas competencias para Galiza, é preciso que o Estado financie aquelas coas que xa se conta. Pospoñen así o avance do autogoberno galego, logo de que durante os 12 anos dos Executivos de Núñez Feixoo non se lograse ningunha nova transferencia.

BNG e PSdeG pedirán a transferencia de novas competencias á Galiza na próxima sesión plenaria, que decorrerá a semana que vén. Anunciárono hoxe ambas as forzas políticas. Galiza non recibe ningunha nova competencia desde 2009. Após un inicial empuxe nos anos inmediatamente posteriores á aprobación do Estatuto de Autonomía e unha segunda vaga na década dos 90, o traspaso de competencias mantense estancado, até o punto de que o Goberno galego continúa a día de hoxe sen xestionar materias atribuídas como exclusivas no texto estatutario de 1981. Analizamos as chaves desta situación con motivo do 40 aniversario da proclamación do Estatuto.

A formación nacionalista pide acabar co “triste balance” de doce anos con cero novas competencias

 

Os socialistas  critican a " inacción" de Feixoo en materia de traspasos nos seus anos de Goberno galego.