comité clínico

O comité clínico ten sobre a mesa diferentes propostas para afrontar unha quinta vaga que, nunha semana, duplicou o número de casos activos na Galiza.

"As medidas adoptadas polos nosos gobernantes non son acordes a ciencia, senón a outros intereses nos que non imos entrar", lamentan desde a Plataforma en Defensa da Sanidade Pública de Sanxenxo, un municipio que fica no nivel medio de restricións malia liderar a incidencia no Salnés. Aliás, cómpre lembrar que a Xunta non computa os contaxios de turistas.

O subcomité clínico decidiu non mudar os niveis de restricións decretados na terza feira malia o incremento dos contaxios. Deste modo, Sanxenxo continúa no chanzo medio, mentres A Illa, Cambados, Vilagarcía e Vilanova seguen no alto. Sanidade non aclara o criterio empregado nesta decisión.

Galiza multiplicou máis que por dous o número de casos activos na última semana, ao pasar dos 3.670 da pasada sexta aos 8.319 desta xornada e, só no últimos tres días, sumáronse 3.205 contaxios detectados novos.

O Comité Clínico muda o criterio para estabelecer os diferentes niveis de restricións co fin de "adaptarse á situación actual", polo que a incidencia acumulada dos concellos perde peso en favor da presión hospitalaria. Deste modo, sitúa 15 concellos no nivel medio e outros sete no alto, mais polo de agora ningún municipio se someterá ás máximas restricións. Aliás, aumenta o control sobre o lecer nocturno e sobre os encontros sociais.

Limitará a 10 o grupo de persoas non conviventes que poden ocupar un espazo nas terrazas de hostalaría. No interior da hostalaría ese número será de 6.

Ademais, recoméndase que no ámbito xeral e privado se manteñan estes grupos: non máis de 10 no exterior e 6 no interior. Isto é, lembrou Comesaña, unha recomendación mais de seguir a empeorar a situación valorarase que sexa obrigatoria. 

En declaracións aos medios, o conselleiro de Sanidade fixo de novo un chamamento especial aos mozos e mozas a que acudan aos cribados

O especialista en medicina intensiva do Complexo Hospitalario Universitario de Santiago (CHUS) e membro do grupo que asesora a Xunta sobre a evolución da pandemia, Pedro Rascado, recoñece que "non se pode minimizar o problema". Ourense ten unha incidencia de máis de 500 casos e as áreas sanitarias da Coruña, Lugo e Vigo están nos niveis de risco alto como é o caso de Pontevedra. As e os expertos analizarán polo miúdo todos os datos de contaxios e non descartan anunciar novas restricións na terza feira.

Sanidade sitúa no nivel alto de restricións Cambados, A Illa, Vilanova, Vilagarcía e Sarria, e outros dez concellos no nivel medio. Aliás, intensificará os cribados na franxa de idade de 18 a 35 anos e instará os concellos a precintar os espazos que están a ser utilizados para prácticas de risco coma o botellón.

Os membros do Comité Clínico e responsábeis da Xunta decidiron estabelecer as mesmas medidas en Sarria e deixar dez municipios no chanzo medio-alto. Na mesa de traballo tamén debatiron sobre a reapertura do lecer nocturno, que decorreu o día 1 de xullo aínda que non foi seguida de forma homoxénea en todo o país.

As e os expertos que forman parte deste grupo asesor da Xunta na evolución da pandemia ven con preocupación a situación epidemiolóxica na contorna. Igualmente, levarán ao encontro da terza feira o estudo das cifras ligadas á reapertura do lecer nocturno.

O conselleiro de Sanidade alerta dun "incremento importante" da incidencia acumulada da Covid-19 nas franxas de idade máis novas e adianta que, "probabelmente", o Comité Clínico da próxima semana teña que "revisar" as medidas tomadas para conter a pandemia.

En Pontevedra e os demais concellos que fican no nivel medio non poderán operar os locais hostaleiros do lecer nocturno.

Este sábado Carnota e Sarria pasan a nivel alto de restricións. As medidas do nivel medio serán de obrigado cumprimento nos concellos de Cambre, Castroverde, Oia, Barro, Cambados, Poio, Pontevedra, Vilaboa e Vilanova de Arousa. Os restantes concellos galegos permanecerán no nivel medio baixo.

Sanidade dá un respiro ao uso da máscara, que este sábado deixará de ser obrigatoria no exterior sempre que se garanta a distancia de 1,5 metros. Aliás, amplía a capacidade permitida en diferentes espazos públicos e eventos, así como nas terrazas —100%—, e o lecer nocturno reabrirá a próxima semana, o 1 de xullo.

Agás no que atinxe a persoas conviventes. Feixoo anunciou tamén a apertura do lecer nocturno a partir do 1 de xullo e que se poderá pedir en barra mais non consumir.

Así mesmo, as e os expertos reunidos con representantes da Xunta decidiron que fiquen tamén no nivel medio-alto de limitacións Malpica e Camariñas. No encontro de traballo desta terza feira estaba previsto falar tamén da adaptación das capacidades e mesmo dun protocolo sobre o emprego da máscara nos espazos abertos.

O toque de recoller e o fechamento perimetral non se aplicarán desde agora a ningún concello. Aliás, Sanidade aumenta a permisividade coas reunións entre non conviventes e alivia as restricións que rexían sobre a hostalaría.

“Acabaron as restricións de fechamentos perimetrais, toques de recoller e fechamento da hostalaría”, informou o presidente da Xunta, Alberto Núñez Feixoo, na rolda de prensa en que deu conta do alivio das restricións motivadas pola Covid-19. Unhas medidas que entran en vigor o próximo sábado.

A Consellaría de Sanidade vén de comunicar a decisión tomada no marco dun novo encontro de traballo coas expertas e expertos do comité clínico. A pasada semana decidírase manter Mos e A Pobra do Caramiñal baixo fechamento perimetral, mais esa medida sobre a mobilidade quedou suspendida na segunda feira e, a partir do día 12 de xuño, só haberá dous chanzos de risco e limitacións (medio-alto e medio-baixo).