cereais

Tentativa de acougar as protestas de labregas e labregos.

Ademais da pataca, UUAA considera o cereal un "piar fundamental" para a actividade agraria da comarca.

A Indicación Xeográfica Protexida (IXP) Pan Galego e o seu Consello Regulador oficializáronse en 2022, e xunto coa IXP Pan de Cea, mantén a bandeira da tradición neste produto de primeira necesidade. A súa comercialización fóra dos estabelecementos habituais está a reforzar a súa continuidade.

O Ministerio de Agricultura de Rusia trasladou hoxe que as entregas gratuítas de cereais a seis países africanos, que foran anunciadas polo presidente Vladimir Putin, xa están en marcha, ao dirixirse dous barcos con 25.000 toneladas cada un a Somalia e Burkina Faso. Moscova quere remitir 200.000 toneladas antes do final deste ano, nun programa que tamén inclúe envíos á República Centroafricana, Zimbabwe, Malí e Eritrea. 

As restricións de Bruxelas rematarán o 15 de setembro de non producirse unha prórroga.

Erdogan confía nun novo pacto en breve que permita reactivar o acordo do Mar Negro aínda coa falta de entendemento con Putin a segunda feira.

A Galiza chegou a cultivar máis de 40% da colleita estatal de lúpulo entre 1955 e 1959. A actividade foi abandonada en 1980; porén, unha cooperativa de Mabegondo está a recuperar unha actividade económica histórica na zona de Betanzos e na Galiza.

Polonia envía máis militares á fronteira de Belarús após denunciar unha incursión de dous helicópteros de Minsk.

Ao final do cumio Rusia-África, O Cairo solicitou a Moscova que dea un paso adiante para reactivar o acordo de exportación de gran do Mar Negro, mentres distintos líderes destacan as consecuencias negativas do conflito bélico entre Rusia e Ucraína e apuntan á proposta de paz africana como unha potencial solución.

A seguridade alimentaria de África protagonizou a primeira xornada da cimeira de Rusia cos Estados do continente, preocupados polos efectos dunha potencial suba dos prezos dos cereais após a fin da iniciativa de exportación de gran ucraíno polo Mar Negro.

Os cereais son elementos esenciais para o ser humano. Como fonte rica en carbohidratos complexos, fibra, vitaminas e minerais, deben formar parte de calquera dieta equilibrada. Durante a maior parte da súa Historia, Galiza produciu cereal diverso e abundante pero o devalo das últimas décadas supuxo unha perda do 60% da superficie dedicada. Como consecuencia, Galiza padece unha elevadísima dependencia da importación de cereais que é preciso reverter mediante a ordenación dos usos do solo e unha nova política adaptada ás necesidades reais do agro galego.

Rusia acusa a UE de reter os envíos de fertilizantes que remite de balde a países empobrecidos, insistindo na súa capacidade de substituír as entregas de cereais ucraínos.

Zelenski destitúe o embaixador no Reino Unido tras ser cuestionada a súa resposta ás demandas de Londres de "gratitude" polas armas entregadas.

22 Estados solicitaron integrarse no grupo Brics, que estudará a súa ampliación na cimeira que desenvolverá en agosto en Suráfrica.

Após a suspensión esta semana por parte de Rusia do acordo para a exportación de gran ucraíno polo Mar Negro, cinco Estados de Europa Central reclamaron esta cuarta feira a Bruxelas que a prohibición de importación de cereais de Kíiv se prorrogue até finais de ano, entre o temor dunha nova caída de ingresos para o campesiñado perante unha posíbel entrada de millóns de toneladas de cereais de Ucraína.

Rusia suspende a iniciativa de exportación de gran ucraíno polo Mar Negro criticando que, até o de agora, poucos días antes de facerse o primeiro ano desde a súa entrada en funcionamento, as sancións coercitivas sigan freando a venda dos seus cereais. 44% das exportacións no contexto da iniciativa foron dirixidas a países de altos ingresos.

Produciuse un ataque cun drone perto dunha central atómica en Rusia.

A invasión rusa de Ucraína levou a un incremento pronunciado do prezo dos alimentos que se viña producindo desde a pandemia da Covid-19. Un ano despois, a baixada do prezo a nivel global percíbese nos mercados mundiais, mais non nos fogares.

A exportación de gran de Ucraína a baixo prezo provocou que algúns Estados da UE procederan a un veto temporal destas compras. Unha crise que podería desembocar en problemas de abastecemento para os territorios dependentes desta materia, como é o caso da Galiza. A alta dependencia dos cereais foráneos coloca o país nunha situación de risco.