caixa b

O ex comisario afirma que pediu a varios xornalistas, entre eles Eduardo Inda, que non difundisen unha listaxe do ex tesoureiro do PP, Luís Bárcenas, na que aparecía "o presi", en referencia ao ex presidente Mariano Raxoi.

A declaración dos policías da Unidade de Delincuencia Fiscal e Económica que investigaron a reforma da sede do PP detallaron como a formación política estatal pagou cos cartos da caixa B parte das reformas de 6 das 7 plantas da súa sede na rúa Xénova (Madrid).

O financiamento irregular dos populares galegos volve ao Parlamento

O BNG pedirá no próximo pleno do Parlamento a creación dunha comisión de investigación sobre o "financiamento irregular" do PP galego, mentres que o PSdeG presentará unha moción para "rexeitar calquera forma de corrupción" e para que se asuman "responsabilidades políticas" derivadas de "causas xudiciais". Nese pleno comparecerá o conselleiro de Sanidade e, previsibelmente, sairá adiante unha reforma da lei galega de violencia de xénero, a proposta do BNG, para recoñecer vítimas da violencia vicaria e considerar esta como violencia machista.

A Audiencia Nacional, que xulga o pagamento das obras da sede estatal do PP con cartos da caixa B do partido -segundo a acusación- acurrala de novo a formación de Pablo Casado mais tamén o Partido Popular galego (PPdeG) por moito que a causa se sitúe sobre o icónico edificio da madrileña rúa Xénova. Precisamente, as últimas confesións do ex tesoureiro do partido, Luis Bárcenas, inciden en que a orixe e o baleirado da contabilidade en negro dos populares está na Galiza, no PPdeG e, máis concretamente, en Pontevedra, berce político do ex presidente do Goberno español Mariano Raxoi, cuxa "honorabilidade" continúa a defender con insistencia o titular da Xunta da Galiza, Alberto Núñez Feixoo.

O presidente da Xunta da Galiza, Alberto Núñez Feixoo, deixou sen responder as preguntas que lle realizaron no Parlamento Ana Pontón (BNG) e Gonzalo Caballero (PSdeG) sobre a confesión de Luis Bárcenas na Audiencia Nacional, que desvela a existencia da Caixa B do PP galego e uns movementos irregulares en 2010 que terían acontecido cando Feixoo xa era presidente do PP galego e da Xunta. “É un 'culebrón' contra o PP”, aseverou o mandatario galego. 

Mariano Raxoi declara na Audiencia Nacional sobre a contabilidade B do PP e di que é "falso de toda falsidade" que sexa  o "M.R." que aparece nas anotación de Luis Bárcenas, así como todo o que se lle imputa neses documentos, tanto ás siglas "M.R." como á súa persoa. 

A medida que avanza o xuízo polo pago en diñeiro negro de parte das obras da sede do Partido Popular en Madrid, máis antigos cargos públicos da formación recoñecen ter recibido fondos de xeito irregular que coinciden coas anotacións manuscritas de Luís Bárcenas na presunta contabilidade B do PP entre 1990 e 2008

BNG e PSdeG preguntarán ao presidente por este tema no próximo pleno

O xuízo polos presuntos pagos en negro das obras da sede do PP da madrileña rúa de Génova está evidenciando a nova estratexia de defensa de Luis Bárcenas. O sentido das súas declaracións preocupa nas filas dos populares galegos. O antigo xerente da formación, Cristóbal Páez, e o propio Bárcenas afirmaron na Audiencia Nacional que o último ingreso rexistrado na caixa B do partido do que tiveron coñecemento procedeu da organización pontevedresa e formalizouse en 2010. BNG e PSdeG pediron ao PP explicacións.

O ex tesoureiro del Partido Popular, que está na cadea, someterase a un novo xuízo na Audiencia Nacional en cinco días.

A cadea Ser accedeu a información clasificada como secreta polo Executivo e que, afirman, revela que o Ministerio de Interior de Jorge Fernández Díaz destinou esa cantidade entre 2013 e 2015 á policía política, para espiar Bárcenas e destruír probas que comprometesen o PP no caso.

A gravación dunha conversa entre o empresario Rafael Palencia e o ex director xeral do Canal Isabel II de Madrid Ildefonso de Miguel vén de revelar os métodos cos que o Partido Popular xeraba a súa caixa B. A Cadena Ser difundiu esta mañá os fragmentos de audio en que Palencia explica como entregaba periodicamente 35.000 euros na sede da organización. Recollíannos Álvaro Lapuerta ou Luis Bárcenas.