AVE

Após a chegada do AVE á Galiza produciuse unha modificación dos horarios dos servizos de tren Avant que conectan Ourense con Santiago e A Coruña, con "grave prexuízo para as persoas usuarias". O BNG exixiu no Congreso que se adapten as liñas e horarios á realidade laboral da sociedade galega.

O sindicato de maquinistas de Renfe vén de denunciar a "inseguridade" que xera o treito de quince quilómetros que une Taboadela e Ourense cos novos convois de alta velocidade, xa que, advirten, deberán desactivar o sistema de seguridade ERTSM, cuxa ausencia propiciou o accidente de Angrois de 2013. Porén, Adif quita ferro ao asunto e evita facer declaracións a este xornal.

Os expertos falan dalgunhas eivas e consideran que é un "síntoma claro das présas á hora de inaugurar". Por outra banda, o BNG de Ferrol, como o de Lugo, exixiu un servizo ferroviario “digno” para a comarca.

Tiveron que pasar polo Ministerio de Fomento sete persoas para que a chegada do AVE á Galiza tornase de quimera a realidade. Esta segunda feira as autoridades políticas protagonizaron a viaxe inaugural da liña entre Madrid e Ourense, nunha xornada festiva na que a cidadanía lembrou os compromisos pendentes co país en materia de infraestruturas ferroviarias, como a variante de Cerdedo ou a conexión con Portugal.

SOS Ourense parodia a chegada do AVE a Ourense a modo de crítica social sobre a mobilidade dentro do país. O colectivo, que agrupa ducias de entidades de todo tipo, lamenta que a conectividade interior no país continúe con dificultades e reflexiona sobre a saída da veciñanza procurar traballo a Madrid.

As vítimas do accidente do Alvia entregan unha carta a Pedro Sánchez en presenza do Rei, e critican a maneira de inaugurar a nova liña de ferrocarril (como se non pasara nada”.

Tras décadas de obras, seis ministros, catro presidentes do Goberno do Estado e numerosas datas e aprazamentos para a súa culminación, o AVE conecta esta semana Galiza-Madrid. Mentres se reducen os tempos de viaxe á capital do Estado, a Galiza segue sen trens de proximidade. Á cabeza da xincana está a viaxe de Lugo a Compostela: 2 horas e 43 minutos. 

O Avlo —alta velocidade a baixo prezo— realiza desde xuño o percorrido Madrid-Barcelona, e arribará a Alicante, Sevilla e València en 2022.

BNG demanda restabelecer as liñas e frecuencias que existían antes da pandemia e urxe o abaratamento das tarifas do tren Avant

Mentres o traxecto entre estas Madrid e Ourense se reduce a 2 horas e 15 minutos e da Coruña á capital do Estado a 3 horas e 51 minutos, os tempos de viaxe entre os principais núcleos de poboación da Galiza son moito máis elevados.

Renfe dálle publicidade á estrea do servizo entre Galiza e a capital do Estado español coa venda de 250.000 pasaxes por este prezo estábel, con independencia do orixe e o destino. Servirá para os traslados en AVE e Alvia. Curiosamente, isto implica que o traxecto para chegar a Madrid  resulte igual de prezo ou moito máis barato que para desprazarse dentro do propio país.

A articulación ferroviaria interna da Galiza non semella unha preocupación das Administracións públicas. A proposta de orzamentos xerais do Estado para 2020 esquece ou outorga partidas insignificantes ás actuacións máis urxentes nesta materia. A conexión ferroviaria con Portugal segue esquecida