audiovisual

O filme, igual que outros da autora como A cicatriz branca ou Nación, volverá estar producido pola produtora Nós.

A serie infantil está dispoñíbel na nova plataforma dixital da TVG.

Producións de grande éxito como O corno ou Matria, entre os filmes a concurso.

As curtametraxes de temática LGBT+ serán as protagonistas na Coruña entre o 29 de febreiro e o 2 de marzo por iniciativa da asociación Palestra. A cita comezará no Teatro Colón da cidade herculina co visionado da obra Habitar, de Anxos Fazáns.

Miriam Rodríguez (Mos, comarca de Vigo, 1984), vén de ser galardoada no Certame de Curtas da Asociación Socio-Pedagóxica Galega (AS-PG) pola súa peza Arden as bruxas, realizada a partir do poema homónimo de Paula Carballeira.

Ficción, real, clásicos e estreas en Cinemas_Gal.

A exposición 'Norte Silvestre e Agreste', patente na Galería Municipal do Porto até o vindeiro 10 de marzo, interrógase sobre a identidade dese territorio que abrangue a Galiza e o norte de Portugal a través dunha indagación no territorio e nunhas formas de vida, mitoloxías e narrativas que se transforman co tempo mais que manteñen trazos comúns que permiten falar dunha identidade compartida.

Jorge Boquete (A Coruña, 1991) é o director da webserie A arte de ser (mal) pai, que fora galardoada co premio do público durante a pasada edición do Carballo Interplay e que vén de ser recoñecida como a primeira serie en galego en alcanzar o galardón mellor episodio piloto do Festival Serielizados.

O obxectivo fundamental do proxecto é amosar os contidos materiais e emocionais dos museos a través dunha historia de ficción, así como documentar a historia e o patrimonio. 

O intérprete levaba un longo tempo loitando contra unha enfermidade da que a súa familia non deu moitos detalles e finalmente faleceu este día de Nadal.

Álvaro Pérez (A Coruña, 1989) é o presidente da Academia Galega do Audiovisual, unha das sete entidades que conforman a recentemente creada Mesa do Audiovisual Galego xunto coa Asociación de Actores e Actrices de Galicia, a Asociación Sindical Galega de Guionistas, a Asociación Galega de Produtoras Independentes, o Clúster Audiovisual Galego, a Asociación de Profesionais da Dirección e Realización e a Coordinadora Galega de Festivais de Cinema.

O programa do festival contempla a proxección de pezas do taller que Novos Cinemas realiza en colaboración coa Universidade de Vigo e impartido polo cineasta Berio Molina.

Premio Especial do Xurado na competencia "Encounters" do Festival de Berlín, a terceira longametraxe do galego Lois Patiño, Samsara, estréase nos cinemas o próximo 20 de decembro. E é a través da comuñón colectiva dunha sala escura como mellor se pode gozar a sublime experiencia meditativa e sensorial que nos propón este filme cargado de emoción e de beleza, unha das obras maiores de 2023.

No plano artístico Itziar Castro destacou pola súa participación en series de televisión como 'Vis a vis' ou 'Paquita Salas', e tamén na 'gran pantalla' con títulos como 'Campeones' ou 'Pieles', que lle valeu a candidatura a 'mellor actriz revelación' nos Goya.

O que pode a danza é o novo produto audiovisual co que o Consello da Cultura Galega (CCG) se achega ao sector das artes do movemento.

'O Corno', candidata a mellor cartel, e a serie 'Rapa', rodada na Galiza, suma dúas candidaturas.

A selección inclúe numerosas estreas, pero tamén obras con traxectoria previa en festivais. O festival comezará a próxima semana.

Bruno Arias vén de estrear a súa primeira película no Festival Cineuropa, en Santiago de Compostela. Neste documental, 'Os espazos en branco', o director vigués trata desde unha perspectiva moi persoal a ausencia na súa vida da súa tía, a escritora Xela Arias; o sentimento de perda na familia e como é coñecer un ser querido a través dos relatos doutras persoas.

Que ninguén pense que o de Janet Novás (O Porriño, 1982) foi chegar e bicar o santo. O éxito como protagonista de 'O Corno' (Jaione Camborda, 2023) chégalle tras dúas décadas bailando, nas que se esforzou en investigar sobre o corpo como ferramenta de comunicación. Todo o achado pono agora en mans doutras bailarinas cunha montaxe, 'Proto (SN1806)', que xira arredor das supernovas, das estrelas que ao morrer estoupan. Como elas, Janet quere que o fulgor da película sirva de foco para darlle visibilidade á súa gran paixón: a danza.

'Os espazos en branco', producida por Serea Films, reflexiona sobre esas persoas que nos inspiran e que admiramos e sobre como esas persoas constrúen as nosas personalidades, intereses e ambicións.