Asociación de Gandeiros Galegos da Suprema

Gandeiros de carne decidiron levantar a súa protesta ante a Xunta en Lugo tras unha reunión esta segunda feira co conselleiro de Medio Rural, José González, co que chegaron a un principio de acordo. E é que decenas de tractores quedaron aparcados na Rolda da Muralla desde a manifestación decorrida a pasada quinta feira. Diso informa o presidente da Asociación de Gandeiros Galegos da Suprema, Santiago Rego, que explica que "levaremos os tractores, si" e non protestarán ante a Xunta, pero continuarán coas súas mobilizacións en Lugo ante a subdelegación do Goberno español.

O sector da Tenreira Galega Suprema volveu onte a colapsar as rúas de Lugo para reclamar “prezos xustos” e protestar por unha política agraria común (PAC) que entenden lles prexudica. Gandeiras e gandeiros denuncian “recortes” e excesiva “burocracia” que non ten en conta o funcionamento tradicional deste ramo na Galiza