artesanía

A vindeira terza feira, 4 de outubro, comezan as festas de Lugo, e durarán até o día 12.

Carmen Riveiro, que gaña este premio por segunda vez, faise co galardón na modalidade 'tradicional' cun vestido de noiva de tres pezas, e Verónica Moar gaña na modalidade 'contemporánea' cunha composición de dúas pezas

Elena Ferro (Merza, 1975) criouse "entre zocos e feiras". O seu avó, Perfecto, deu vida en 1915 a un pequeno negocio artesán que máis dun século despois segue operativo. Baixo a marca Eferro, Elena mestura tradición e modernidade nos seus deseños para demostrar que os zocos son pasado pero tamén futuro; ao igual que as aldeas como Merza, que reivindica como lugar idóneo para emprender un negocio. "Hai que coidar o que nos dá de comer", di, e o mesmo criterio aplica á situación da lingua galega: "Se os nosos nenos e nenas non falan galego perderemos parte da nosa cultura".

Durante a fin de semana, toda a vila de Monforte de Lemos volcarase para sacar adiante un encontro que supón un importante pulo económico para todos os sectores do Concello.

A produción de congro seco ten máis de seis séculos de historia na Galiza. Sanidade decidiu paralizar o 21 de febreiro o secado ao aire libre argüíndo que non se pode incluír como excepcións a alimentos artesáns, o que derivou nun movemento veciñal en defensa dunha actividade que consideran patrimonio etnolóxico. Os dous secadoiros que se conservan na península están en Muxía, o da Pedriña, ademais, é o único que conserva unha produción totalmente artesá.

O certame destaca a traxectoria do creador de gaitas Álvaro Seivane desde o seu obradoiro de Cambre. Así mesmo, levaron galardón as dúas iniciativas finalistas: Santiago Besteiro Design e Jafarta.

Decorrerá do 5 ao 7 de novembro no recinto feiral.

Elisa Fernández é unha estudante de Bioloxía en Santiago de Compostela que vive nunha vila do Barco de Valdeorras e que confecciona pendentes e outras pequenas pezas a base de flores prensadas e resina. Baixo o nome de Argallando, conta de Instagram onde pendura as imaxes das súas pezas, vende as súas elaboracións, feitas a man de maneira artesanal, ao tempo que leva a cabo un labor de divulgación botánica para que as persoas interesadas saiban que flores están en cada peza.  

Os viños galegos son xa coñecidos en todo o planeta pola súa excepcional calidade. Nos últimos tempos, tamén as cervexas artesás, as sidras e os licores están a contar cunha crecente demanda tanto na Galiza como a nivel internacional. É preciso seguir apostando por estes produtos locais para que se consoliden no mercado. 

As feiras de artesanía son un reclamo turístico e social que enchen as rúas das vilas cada ano, principalmente durante o verán. Se ben as restricións debidas á Covid-19 dificultaron a súa realización no último ano e medio, este mes de agosto volve cheo de citas artesanais por todo o país.

Cruz López rexenta xunto a súa filla Xiana a pequena xoiaría Planeta Tres Zetas. Desde hai anos, confeccionan pezas artesanais a base de materiais orgánicos e reciclados. Cruz, que vive nun proceso de continua formación para seguir a mellorar a súa técnica de deseño e confección, di estar moi agradecida as súas seguidoras por todo o apoio e cariño que lles transmiten a través das redes. 
 

Nun obxecto tan pequeno como un zoco poden coller milleiros de historias. Tantas como ‘Tango’, tal e como se lle coñece a Carlos Barros Fontán en Mondariz, viviu nos seus 75 anos de vida. Deles, leva dedicados máis de 60 ao traballo de zapateiro artesán, oficio que aprendeu do seu pai. Agora, xa xubilado, dedícase a acudir ás distintas feiras de artesanía da Galiza co obxectivo de difundir a súa arte e o seu calzado. Non perde a ilusión do primeiro día, e ten claro que seguirá mentres poida facelo.

O obradoiro de gaitas Eduardo Represas está situado na localidade de Ponteareas. Con case 100 anos de historia, son xa catro as xeracións que se dedicaron a continuar co oficio da fabricación de gaitas de xeito artesanal. Hoxe en día, Eduardo e o seu irmán proseguen cun negocio que xunta a tradición co emprego das redes para levar a melodía das súas gaitas alí onde sexa preciso. Polas mans da familia pasaron algunhas das gaitas máis importantes da Galiza, como a primeira que empregou Carlos Núñez.  

O Centro de artesanía e deseño (Centrad) de Lugo botou a andar un ambicioso programa que xunta "xornadas viaxeiras" e "artesanía". Dous eixos sobre os que xira un plan que ten como finalidade a promoción da artesanía como recurso cultural e como actividade económica “sostíbel, pegada á terra e xeradora de oportunidades". 

A gaiteira recoñece que, polo de agora, non terá vacacións porque o estío reactiva as actuacións malia á Covid-19.

Santiago Pérez Carrera marchou de Mondariz cando tiña 19 anos para estudar Arte Dramática ao non ter a posibilidade de facela na Galiza. Instalouse en Madrid e mantén unha relación estreita con ese municipio do Condado onde reside a súa familia. Conta cunha produtora propia, EscénaTe, con once espectáculos activos na actualidade de teatro e danza. A finais do mes de xullo estreará un documental, actualmente en fase avanzada de postproducción, sobre a cestaría na 32ª edición da Feira de Oficios Artesáns de Mondariz.

Antía Vargas Hermida forma, xunto ás irmáns Nuría e Uxía Benlloch Giao, o proxecto "As flores de Greta", unha iniciativa que pon a técnica do ecoprint á altura da creatividade artesanal. Desde o seu obradoiro en Morgadáns (Gondomar) desenvolven esta idea en dúas liñas de traballo. Unha é a colección tenda, composta por pezas realizadas en liño, la, seda e algodón, de uso persoal ou doméstico; e outra a colección de noiva, formada por catro pezas que personalizan con flores.  

No obradoiro de arte Arrebol de Xinzo de Limia as pantallas nacen todo o ano para estar a punto no Entroido. As mans de Santiago Martínez levan máis de trinta e oito anos elaborando de maneira artesanal unha das máscaras máis coñecidas desta festa na Galiza. Con el traballa Aurora Dacal, artesá especialista en cartón pedra e en arxila polimérica. Malia o tempo que levan como artesáns, agora animáronse a estabelecer un obradoiro físico e para este mesmo verán pensan dar a coñecer as súas técnicas a través de cursos abertos ao público en xeral.

Edita Rodríguez Oca é a responsábel do proxecto Jatafarta desde a súa creación en 2008 en Compostela. Do seu obradoiro saen pezas que, partindo do traballo tradicional do coiro, se aproximan á experimentación con novos materiais. A súa obra traspasou fronteiras e ten visitado feiras e mostras en cidades como  Milán, Londres ou Estocolmo, mais tamén está presente en comercios de proximidade.  

O novo regulamento da concellaría de Mobilidade e Festas de Compostela, relativo á realización de actividades artísticas na vía pública concitou nas últimas semanas diversas manifestacións en contra, tanto desde os grupos da oposición como desde os colectivos de artistas e artesáns de rúa.