arte popular

Esta cuarta feira tivo lugar no Museo do Pobo Galego unha homenaxe colectiva a Dorothé Schubarth que revisou a figura da musicóloga, autora do 'Cancioneiro popular galego', desde múltiples perspectivas que debuxaron o seu perfil profesional e humano.

Schubarth, autora canda Antón Santamarina do 'Cancioneiro popular galego', finou o pasado 6 de setembro en Basilea aos 80 anos de idade.

Os Maios constitúen unha manifestación estética que sintetiza varias formas de creación: a plástica dos propios Maios, as cántigas que se compoñen para a ocasión, as danzas de moitas localidades galegas... Todas elas son a expresión popular dun campo simbólico que axuda a reafirmar unha identidade e que contribúe a instaurar un imaxinario artístico propio. Onte tiveron lugar os primeiros en Pontevedra, en Poio, en Redondela, no Salnés, en Verín, no Barco... e nos próximos días aínda haberá máis Maios por diversos puntos da xeografía galega.
 

Un dos elementos patrimoniais máis comúns da paisaxe galega, os cruceiros, contan desde hai algo máis de dez anos cunha entidade dedicada a realizar un completo inventario da súa situación e estado. Trátase da Asociación de Amigos dos Cruceiros, Cruces de pedra e Petos de Ánimas. Recoñécense herdeiras e herdeiros do traballo realizado por Castelao e asumen un papel que, se cadra, quererían que levase nas súas costas a Administración galega. Entre as súas arelas figura que, algún día, estas construcións sexan Patrimonio da Humanidade.