alpinismo

O montañista lugués, afincado en Vigo, Roberto López coroou esta semana no Nepal o Manaslu (8.163 metros), un dos picos máis altos do planeta. Sen contar con patrocinios, e coa axuda do Club Xistra, regresou ao cumio que inaugurou as expedicións máis importantes ao Himalaia a nivel galego e estatal. Ademais, a aventura tivo a súa cara social coa achega de diñeiro e material para a poboación. 

'Cordadas, trasnadas camiño do cumio!' achega o montañismo a través das cartas e de forma lúdica.

A recuperación da memoria histórica tamén é necesaria no deporte. En Ferrol, este verán rehabilitouse a lembranza do Club Alpinista Abrente, creado en 1935 e desaparecido en xullo de 1936. O seu maior proxecto, o Monte dos poetas, volve revivir nos montes de Brión co apoio da iniciativa popular de tres entidades. Os versos de Rosalía de Castro e Eduardo Pondal recuperan as vistas máis fermosas de Ferrolterra.