Á presenza de Mauro Silva e Bebeto, ademais da despedida de Álex Bergantiños, sumouse a vitoria do Dépor, diante do Red Bull Bragantino brasileiro por 4-0, e do Deportivo Abanca, ao Deportivo Alavés Gloriosas, por 2-0.
A escalofriante entrada sufrida por Álex Bergantiños, o canteirán a non dosificar nin unha pinga de suor, simboliza o xogo do Dépor neste play off de ascenso. Un equipo entregado, desbocado. Todo o que aforrou durante os seus meses de hibernación na liga regular pono agora sobre o céspede a escadra treinada por Martí. Houbo espazo para o heroísmo no lance do gladiador Bergantiños, mais tamén para a maxia do futbolista con máis talento do combo coruñés, un Fede Cartabia en estado de graza.
Que Mosquera e Bergantiños eran na práctica incompatíbeis constituía un dogma do libreto de Natxo González que este domingo pasou a mellor vida. A dupla galega fortaleceu a medular branquiazul e catapultou o Dépor a un triunfo vital no campo do Granada (0-1), nun xogo en que voltou a brillar o talento de Edu Expósito e a fantasía de Cartabia.
