“Que a fogueira do esprito siga quentando as vosas vidas e que a fogueira do lume nunca deixe de quentar os vosos fogares”. Máis un ano, e desde 2011, o Alba de Gloria, de Castelao, volveu pronunciarse desde o alto do Pico Sagro para recuperar o espírito nacional do autor do Sempre en Galiza e das Irmandades da Fala.
![Subida ao Pico Sacro [Imaxe: Xan Muras]](/asset/zoomcrop,480,270,center,center/media/nosdiario/images/2019/07/18/2019071811123455811.jpg)
Como cada sábado previo ao Día da Patria Galega, a Federación Galiza Cultura, a Asociación Cultural O Galo, de Compostela, e a Asociación Cultural Vagalumes, da Estrada, organizan o ascenso ao Pico Sacro. Reproducen o percorrido de Castelao até o cumio en 1924 e ao que simbolicamente volveu, anos despois, cando escribía Alba de Gloria. O xornalista e escritor Manuel Gago descúbrenos o imaxinario que rodea o pico situado en Boqueixón.
“Seoane. O creador na súa tinta”, de Carlos Taboada e Enrique Mauricio, chega a Compostela da man da Asociación Cultural O Galo a próxima cuarta feira, 26 de xuño, cunha presentación e posterior roteiro.
Reivindicar “un símbolo da Terra” que “conxuga particularidades do patrimonio material e inmaterial” da Galiza é o declarado obxectivo do libro colectivo sobre o Panteón Real que vén de publicar o Concello de Compostela baixo a coordinación da asociación cultural O Galo. Cinco autoras e un poema de Otero Pedrayo conforman o volume.
A Agrupación Cultural O Galo organiza o vindeiro 7 de xuño dentro da Semana do libro de Compostela (SELIC) o roteiro ‘Dedalus en Compostela’, que arrincará desde a Quintana. Baséase no relato de Risco de mesmo título e publicado en 1929 na revista Nós.
Unha conferencia a dúas voces, de título Momentos de Galiza e Portugal, servirá a vindeira quinta feira, 23 de maio, para presentar a última obra de Manuel Miragaia (A Coruña, 1958), Galeguia. Será no Espazo Enocultural Vide, Vide! de Compostela ás oito e media do serán.
Santiago acollerá un encontro organizado pola Asociación Cultural O Galo para coñecer de primeira man as propostas que defenden para Galiza as diferentes formacións que tiveron ou teñen presenza nas Cortes Xerais.
Esta quinta feira, 21 de marzo, a A.C. O Galo celebra o Día da Poesía e faino da man de Ricardo Seixo, cun recital de “Versos Noctámbulos” que decorrerá a partir das 20.15 horas en Vide Vide.
En agosto de 1937, mentres Atila asolaba Galiza, 18 homes embarcaron no pesqueiro Novo Emden -13 metros de esolara- e fuxiron do Grove. Aquilo que aparentaba unha saída á costeira do bonito acabou nun extraordinario periplo. Recupérao o documental O Novo Emden. Unha vila desmemoriada á caza dos seus recordos, que se proxecta este 31 de xaneiro no Museo das Peregrinacións de Compostela.
A Federación de Asociacións Culturais Galiza Cultura organiza máis un ano a leitura pública de “Alba de Gloria” desde o Pico Sacro. Terá lugar o sábado día 21 a partir das 12 horas.
A asociación cultural O Galo organiza en Santiago de Compostela o seminario Mundos/Galiza para descubrir os recursos naturais e culturais do noso país
“Recuperar os nosos dereitos, seguir construíndo a historia, ascender á posesión dos atributos propios da nación que somos”. Esta apelación, expresada pola escritora Marica Campo na súa intervención no Pico Sagro, ilustra as finalidades coas que a federación Galiza Cultura e as asociacións O Galo, de Santiago, e Vagalumes, da Estrada, soben cada ano a este enclave ateigado de simbolismo que resgata o sentir de Castelao e das Irmandades da Fala.
Un roteiro guiado, organizado pola AC O Galo, percorreu os lugares máis emblemáticos de Santiago ligados ás Irmandades das Fala. Desde o sitio onde se pronunciou o discurso fundacional até o baixo onde Ánxel Casal instalou a imprensa Nós.
Dar a coñecer o labor que desenvolveron as Irmandades da Fala en Compostela. Este é o principal obxectivo das completas xornadas que organiza a Agrupación Cultural O Galo, en colaboración coa Deputación da Coruña, a Universidade de Santiago de Compostela, a Mesa pola Normalización Lingüística e Erguer, durante o 13,14 e 22 de outubro e do 21 ao 25 de novembro na facultade de Filosofía da USC.
O Galo acolle a sexta feira 29 de abril a presentación do libro-DVD 'Manuel María: 'Eu son fala e terra desta terra', da cineasta Margarita Ledo Andión. A presentación terá lugar na libraría Cronopios de Compstela e intervirán, ademais da autora da fita, a xornalista Carme Vidal.
O director de cinema Ignacio Vilar impartirá un relatorio aberto ao público esta quinta feira no espazo eno-cultural compostelán Vide Vide ás 20.30h.
Este domingo 29 de novembro a asociación cultural O Galo organiza unha fest-noz (foliada bretoa) na Nave de Vidán, que contará con músicos galegos e coa harpista bretoa Bleuenn Le Friec.
Coñecer Compostela a través da lírica medieval galego-portuguesa. Eis o convite da Asociación Cultural o Galo para participar no roteiro que o sábado 19 de xaneiro guiarán Isabel Morán e José António Souto.
![Ascenso ao Pico Sagro [Imaxe: Xan Carlos Garrido]](/asset/zoomcrop,768,432,center,center/media/nosdiario/images/2019/07/10/2019071018592280821.jpg)
