Agrupación Cultural O Galo

O centro sociocultural do Ensanche de Santiago de Compostela acolle o 1 de decembro ás 20.30 horas [foi adiado media hora para falicitar a asistencia á concentración contra o asasinato da muller luguesa de 42 anos] unha palestra arredor do tempo histórico e a figura de Pardo de Cela. No debate, organizado pola Agrupación Cultural O Galo, van intervir recoñecidas e recoñecidos especialistas na figura do mariscal e na Galiza do século XV.

As asociacións O Galo, de Santiago, e Vagalumes, da Estrada, izaron outro ano máis a bandeira galega no seu cumio.

O Pico Sacro acolleu na mañá do sábado unha nova subida ao seu cume, revivindo o ascenso que Castelao realizara en 1924 a canda outros membros das Irmandades da Fala, como antesala ao Día da Patria Galega. 

Como cada sábado previo ao Día da Patria Galega terá lugar a subida ao Pico Sagro, revivindo así o ascenso que Castelao realizara en 1924 canda outros membros das Irmandades da Fala. Após a subida realizarase un xantar e visitaranse distintos puntos da zona.

A asociación cultural O Galo organiza o 9 de novembro un roteiro guiado por Eli Ríos e Alba María

As xornadas Noutrén: Feminismo Poscolonial, que organiza a agrupación cultural O Galo, centran a súa cuarta sesión no activismo e os coidados da vida. En Sermos Galiza falamos con Erea Blanco, activista na Marcha Mundial das Mulleres –MMM– e en Isca!, que compartirá palestra coa doutora en educación, xénero e igualdade Rebeca Raso, esta cuarta feira, día 23, para coñecer a súa experiencia e visión do feminismo galego. 

Lucrecia Masson (Ombucta, 1981) abriu esta cuarta feira, xunto coa investigadora Jeane Costa, as xornadas Noutrén: Feminismo Poscolonial, que promove a agrupación cultural O Galo e que contarán, ao longo de sete sesións que se desenvolverán até o 9 de novembro, cunha escolma de voces expertas para reflexionar sobre a descolonización dos corpos e dos territorios. Activista, artista e investigadora multiformato sobre corpos, gordofobia, transfeminismos ou descolonización, Masson expón para Sermos Galiza algúns dos conceptos do seu relatorio nunha proposta que, como explica, formula o feminismo “desde fóra dunha matriz eurocéntrica”. 

“Que a fogueira do esprito siga quentando as vosas vidas e que a fogueira do lume nunca deixe de quentar os vosos fogares”. Máis un ano, e desde 2011, o Alba de Gloria, de Castelao, volveu pronunciarse desde o alto do Pico Sagro para recuperar o espírito nacional do autor do Sempre en Galiza e das Irmandades da Fala.