Adif

Nova xornada de declaracións de vítimas do descarrilamento do tren Alvia en xullo de 2013. "Prefería non sobrevivir, tería sido moitísimo máis fácil", asegurou outro home, lesionado de gravidade.

A implantación dunha xornada de 35 horas semanais ou a compensación da perda de poder adquisitivo pola inflación son algunhas das demandas.

Prosegue a rolda de declaracións das vítimas e familiares de falecidos no sinistro do tren Alvia de 2013. Un sobrevivente conta que, pouco antes do descarrilamento, moita xente comezou a erguerse. "Estou hoxe aquí porque eu non me levantei", afirma.

Unha vítima e a súa filla foron as primeiras en declarar esta terza feira, no inicio da fase de responsabilidade civil, ante a xuíza, visibelmente emocionada polo testemuño: "É a primeira e xa estou a chorar".

As vítimas do accidente do Alvia encaran o inicio da fase de responsabilidade civil do xuízo con "moitas cuestións claras", como que, "alén do maquinista, sempre ten que haber unha segunda barreira de protección".

Ángel Sanz Cubero, maquinista experto en sinalización, asegura que o punto no que descarrilou o tren en 2013 estaba máis seguro coa sinalización anterior á alta velocidade.

Varios trens afectados a primeira hora desta segunda feira por mor dunha incidencia na infraestrutura que Adif deu por solventada ás 7.25 horas.

O maquinista Miguel Yunquera apunta como causa do accidente á "falta de medidas de control dun posíbel exceso de velocidade á chegada á curva de Angrois", dado que "o maquinista necesita que lle anticipen as cousas, e máis circulando a esta velocidade".

Esther Mateo, directora xeral de Seguridade de Adif, propón unha medida "organizativa" equivalente á que xa existe no sector aeronáutico.

Antonio Puyol apunta a unha "desatención prolongada" de Francisco Garzón, un dos procesados canda o ex director de Seguridade de Adif, Andrés Cortabitarte.

Partiu ás 7 horas da Coruña e os pasaxeiros tiveron que baixar no concello de Soutomaior.

Un cargo da Axencia Estatal de Seguridade Ferroviaria admite que se producen máis descarrilamentos no Estado español que noutros países europeos da súa contorna, e tamén unha maior mortalidade.

O segundo accidente de tren nunha semana na mesma zona, entre Lalín e Silleda, reabriu o debate sobre a falta de mantemento destas liñas ferroviarias. Desde a CXT demandan máis equipos da mesma maneira que xa traballan nas liñas do Eixo Atlántico.  

Frans Heijnen e James Robert Catmur ven "graves deficiencias" na análise de riscos de Adif.

A pasada cuarta feira descarrilara outro tren na mesma liña ferroviaria á altura de Silleda.

Ve "problemas" por compartimentación na empresa pública, que fixo un cambio "radical" e reduciu a seguridade ao desconectar o 'ERTMS'

A chamada do interventor que desconcentrou o maquinista do tren e cuxo contido se consideraba intranscendente puido xerarlle unha "preocupación" en relación a un "problema de seguridade" na estación de Pontedeume, segundo un perito xudicial, que xustifica a duración desa conversa telefónica.

A xuíza apuntou que "a primeira mala fe procesual é a da parte que fai este tipo de presentacións nestes termos cando do cuestionamiento das vixencias das transicións xa se falou neste xuízo".

O xuízo do accidente do tren Alvia chega á recta final da acción penal coas comparecencias de 15 peritos. A parte civil comezará o 14 de febreiro coas declaracións admitidas de 522 testemuñas.