A Tarxeta Básica e o carácter "insolidario" dos orzamentos da Xunta para 2023 marcaron a sesión de control ao presidente galego no Parlamento. Un debate sobre o que pairou a crise de prezos e que se traduce en datos como ese 15% de fogares galegos que non se pode permitir alimentos básicos.
A partir de hoxe milleiros de galegas e galegos en situación de vulnerabilidade económica fican sen o soporte que supón a Tarxeta Básica da Xunta, unha medida activada en 2020 no marco da pandemia pola Covid e que facilitaba unha axuda económica para a compra de produtos básicos de alimentación, hixiene e farmacia. En plena crise pola suba de prezos e a inflación disparada, a Xunta decidiu non renovar esa tarxeta.