Segundo informaron fontes de Junts, o ex president comunicará a súa decisión nunha conferencia ás 19 horas da quinta feira no Concello de Elna, en Catalunya Nord.
"É unha posibilidade. O que non se vai poder impedir é que sexa president da Generalitar se el quere selo. Os únicos que poden impedilo son os cataláns cando voten", afirma o seu avogado, Gonzalo Boye.
A Cámara Baixa española deu finalmente o seu visto e prace ao proxecto de lei de amnistía, que ten que volver ao Hemiciclo para ser ratificado tras pasar polo Senado, nunha xornada en clave electoral polo adianto dos comicios lexislativos cataláns.
A Galiza figura, un ano máis, no podio das autonomías con maior conflitividade laboral no Estado español. En 2023, foi a terceira comunidade con maior número de traballadoras e traballadores en folga, así como tamén terceira en xornadas non traballadas. Só Euskadi e Catalunya superan a Galiza.
O rexeitamento da proposta de orzamento que o Goberno catalán pactou co PSC-PSOE desembocou no adianto dos comicios previstos para o vindeiro ano, no medio do choque entre as dúas principais forzas nacionalistas catalás, ERC e Junts, e da tramitación parlamentaria da amnistía no lexislativo español.
A vicepresidenta primeira e ministra de Facenda, María Jesús Montero, recoñeceu previamente en declaracións aos medios que os comicios cataláns para o 12 de maio poderían "alterar" as negociacións con Junts e ERC.
Un día antes da data fixada no Congreso para que a Comisión de Xustiza emita un ditame sobre a lei de amnistía chegou o acordo tripartito para que a norma avance na súa tramitación parlamentaria, despois da mudanza da posición do PSOE, que acabou por aceptar modificacións.