No Diario Oficial de Galiza publicouse o anuncio de licitación do contrato para a atención telefónica do Sergas, por un periodo de un ano (prorrogábel), e cun custe de 830.000 (co 21% de IVE incluído).
Milleiros de persoas teñen presentado reclamacións, ante a imposibilidade de poder acceder a unha cita previa a través da “central de chamadas” do Sergas, que é un sistema moi pouco accesíbel sobre todo para as persoas maiores, pero moi complicado para calquera persoa. Hai que contestar a un montón de preguntas, e facelo pronunciando e vocalizando ben, pois se non a máquina xa non entende. En fin, calquera persoa que tivera que chamar alguna vez para pedir cita médica a través desta centraliña coñece perfectamente esta situación.
"Cantas traballadoras e traballadores se poderían contratar con esos 830.000 euros durante un ano, para poder atender os teléfonos nos centros de saúde?"
![Publicidade 195634]()
Paréceme indignante que, mentres se están recurtando plantillas, non se substitúen as ausencias do persoal en vacacións e días libres ou incluso en baixas, recúrtanse todo tipo de investimentos na sanidade pública, e mesmo obrígase a re-pagamentos ás persoas usuarias, resulta que ao mesmo tempo estánse inflando os petos de empresas privadas con contratos coma este, que non presta un servizo verdadeiramente útil. Cantas traballadoras e traballadores se poderían contratar con esos 830.000 euros durante un ano, para poder atender os teléfonos nos centros de saúde?. Haberá que estar atentos para ver a resolución deste concurso, para ver qué empresa é a gañadora e en mans de quen está (a ver se é algunha empresa que aporta xenerosos donativos ao PP…)..
