Morreu Francisco Carballo.
Iso é o que din as notas de prensa, os informes médicos.
Morreu?
Non sempre a realidade se corresponde coa verdade.
Coa certeza.
E non sempre quen faleceu está morto. E quen está morto, se cadra, non faleceu.
"Xustamente iso é o que desmenten hoxe as urnas instaladas nos centros educativos da Galiza. Francisco Carballo vive e ten forza".
Xustamente iso é o que desmenten hoxe as urnas instaladas nos centros educativos da Galiza.
Francisco Carballo vive e ten forza.
Urnas legais, con garantías, non vaian pensar ...
Carballo ten forza.
Máis que nunca.
A forza que fixo posíbel o nacemento e o desenvolvemento do sindicalismo nacionalista na década dos setenta do pasado século.
Primeiro no ensino. Despois no resto do mundo laboral.
A do ensino chamábase UTEG. Unión de Traballador@s do Ensino da Galiza.
Foi naquelas xornadas que a garda civil interrompeu alá por Ourense. Ou iso lles pareceu, porque medraron e medraron as ideas nadas daquela ....
"A prensa di que a CIG non só gaña as eleccións sindicais no ensino non universitario, senón que mesmo rachou o seu propio teito. Mentira. A CIG non ten teito".
Fracaso. Encheron todo o espazo, as xornadas. Da man da AS-PG e da CIG-Ensino.
E de todo o profesorado que as seguiu e aínda as segue cada ano, e van máis de trinta.
A prensa di que a CIG non só gaña as eleccións sindicais no ensino non universitario, senón que mesmo rachou o seu propio teito.
Mentira.
A CIG non ten teito.
Só espazos abertos. Descubertos, onde o sistema educativo habita afagando a laicidade e a gratuidade.
Laico, gratuíto e galego. Desde aquí e para o mundo porque non temos complexos de sermos galegas ou galegos.
Obrigatorio. Até os 18 anos. Desde os tres.
Eis o sistema. Tamén a resposta do profesorado.
Maioritariamente maioritaria. E mañá, ou hoxe, a Consellaría sairá desacreditando. Como fai quen non ten argumentos.