Case medio millón de galegos residen fóra do Estado (25% do total estatal). Se a isto lle engadimos un desemprego do 22% e un 54,3% de poboaciòn activa- fronte ao 59,6% estatal- podemos albiscar a magnitude da recesión en Galicia, alimentada por delongadas políticas de austeridade. Mais non son só as políticas da austeridade as que fracasan. Tamén fracasan as políticas da dependencia e da subordinación, as que non son quen a reactivar os noso sectores mar-industria e monte-industria, as que non poñen en valor os nosos portos como grande hub entre a nova canle de Panamá e a rica Europa do Mar do Norte. Ou as que non poden garantir un potente sector enerxético ou un medio rural ordenado e produtivo.
"Case medio millón de galegos residen fóra do Estado (25% do total estatal). Se engadimos un desemprego do 22% e un 54,3% de poboaciòn activa- fronte ao 59,6% estatal- podemos albiscar a magnitude da recesión"
Para irmos cara políticas de èxito compre desenvolvermos un amplo autogoberno financiado a xeito. Mais, por riba de todo, compre acreditar neste País. Galicia ten demostrado abondo a súa capacidade de resistir. Compre agora que poida desenvolver un proxecto autocentrado e propio, aberto á España e Europa todas.
A fonda crise do bipartidismo dinástico actual xera as mellores oportunidades para que o galeguismo político puidera representar ese papel de liderado e remuda. Mais ocorre que, tanto o BNG como Anova, priorizan un discurso de parte sobre un discurso global. E pòdenlles a teoría e os apriorismos ideolòxicos sobre a capacidade de solucionar problemas e dialogar coa sociedade civil. Unha sociedade que vive tamèn procesos de remuda e transformación que o galeguismo màis radical nin entendeu nin dixeriu.
"O galeguismo político sò ten sentido como forza de goberno e como praxe aberta, universal e integradora da cidadanìa toda".
![Publicidade 195255]()
O recentemente falecido Iñaki Azkuna, alcalde de Bilbao, foi bò representante desa nova mensaxe e estilo que precisa o galeguismo político. Porque soubo compatibilizar o seu nacionalismo vasco co imperativo que se impuxo de ser o alcalde de todos. Amosando que unha cidade socialmente cohesionada e con proxecto de seu è imparàbel.
O galeguismo político sò ten sentido como forza de goberno e como praxe aberta, universal e integradora da cidadanìa toda. Dirixir a sùa mensaxe à sociedade no seu conxunto e non sò a unha parte dela será, nos anos vindeiros, o seu grande repto.
