domingo 25/10/20

Imos mal

Esta semana diversos Gobernos europeos adoptaron medidas duras para tentar frear iso que chaman a segunda onda do coronavirus —concepto discutido por boa parte da comunidade científica, xa que explican que as epidemias non veñen en ondas.

No meu país coincidiron o Goberno de Andorra e o de Catalunya no fechamento de bares e restaurantes entre outras medidas. E aínda que Perpingnan se librou por pouco do toque de queda nocturno decretado desde París, a ameaza achégase tamén ao norte.

A necesidade das medidas non a discuto. Sen vacina nin cura á vista só o distanciamento social permite un certo control da situación. Pero a dureza con que golpean a poboación cada vez é máis alarmante. As pequenas empresas, os autónomos, os comercios entraron nunha espiral de desconcerto moi estresante, de non saber que poderán facer nin cando e de temer en calquera momento un novo golpe.

Sen vacina nin cura á vista só o distanciamento social permite un certo controlSen vacina nin cura á vista só o distanciamento social permite un certo control

E o problema é que os Gobernos, todos, esqueceron temas que en marzo se expuxeron, como a renda mínima garantida, os préstamos a fondo perdido ou a retirada de todos os impostos, que poderían compensar a crise.

Con iso o castigo é moi grande. Especialmente porque vén de lonxe e súmase a vinte anos longos de presión sobre a cidadanía. Primeiro foron as consecuencias dos atentados de Nova York e Washington no ano 2001. Despois en 2008 chegou a gran crise financeira. E agora no ano 2019, cando aínda nos estabámonos recuperando daquela, chega a crise do coronavirus. 

O século XXI, visto nesta perspectiva, dá medo. Literalmente. Porque as consecuencias destas tres crises son claras —aínda sen coñecer cal será o final da actual e até onde chegará. O aumento das desigualdades está documentado de maneira consistente e a pérdida de competitividade das pequenas empresas, dos comercios e do tecido social que dá vida aos barrios e cidades é cada vez máis indiscutíbel. Imos mal.

comentarios