Na toma de posesión de Franklin Delano Roosvelt en plena gran depresión, dixo unha frase chave para entender o momento no que se atopan moitos afeccionados do Lugo que non paran de mirar para abaixo e moito cidadán que se ve atrapado na dura situación económica que estamos a vivir:
"O único que debemos temer é o medo."
A frase é orixinaria do filósofo romano Epicteto, pero xa se sabe que a historia escríbena os vencedores e Franklin Delano Roosvelt, posiblemente o mellor presidente da historia dos EE UU, foi un vencedor da 2 Guerra Mundial e Epicteto foi un filósofo e, polo tanto, un perdedor.
Despois do apuntamento histórico que está detrás de toda discusión de bar sobre fútbol (na que sempre hai un que di -acostúmase chamar Miguel, Lucas ou Juan- que o importante é gañar e outros que somos uns gilipollas que queremos perder coma o Barça de Cruyff e Gualdiola, a histórica selección brasileira e tantos outros equipos perdedores).
Vamos co Lugo, o máis importante das cousas menos importante da cidade amurallada, a esencia do fútbol de posesión explicada por Guardiola é algo tan simple coma isto: o porteiro pásallo ao defensa, o defensa ao medio, o medio ao dianteiro. Sendo tolerante co paso atrás se non hai mellor opción de profundizar.
O Lugo é o máis importante das cousas menos importante da cidade amurallada
Na cabeza de Quique Setién tamén funciona así o fútbol pero no campo, o Lugo está tendo moitos problemas nas primeiras partes para sacar o balón xogado, os rivais están presionando moi arriba e os centrais e un medio facendo liña de 3 (emulando a saída de balón do México de Lavolpe que inspirou a Guardiola e que lle copiaron tantos equipos ,Madrid de Mourinho incluído) non conseguen superar a liña de presión do equipo rival e, co medo de perder o balón na fase de construcción, balón longo e a confiar noutro chimpo de Iván Pérez que sirva para gañar outro balón por arriba ou que o mago Renella convirta un melón nun balón, gañar o balón dividido e tentar ter o balón a partir dese momento ou que os afeccioados do Lugo parezamos ingleses que só ven a posibilidade de marcar nun balón parado, como aconteceu nas dúas últimas xornadas.
A partir do gol contra o Castilla e na 2ª parte contra o Córdoba, o Lugo semella dar síntomas de voltar estar cómodo sobre o campo, de ter ese punto de confianza necesario para superar liñas dos rivais co balón controlado e así os afeccionados desfrutaremos máis do momento na 3ª tempada do equipo na segunda división e lembraremos esta historia, porque como cantaban a xeración de meus pais:
Venceremos Nós!!