Empregália 2014: a falsa esperança como freio do futuro

O vindouro 13 e 14 de junho terá lugar na estaçom marítima de Vigo um novo circo, Empregália 2014, de esperança para ter um posto de trabalho.

"Empregália 2014, ao igual que o foi em 2013, é umha cortina de fume e um lavado de imagem da politica neoliberal do Partido Popular".

Se no ano 2013, milhares e milhares de pessoas, umhas 40.000 segundo os mass média, figerom longas colas para poder aceder à feira na procura de um emprego que finalmente nom encontrárom, este ano voltaremos a ver o mesmo espetáculo dantesco polas ruas de Vigo.  A ilusom, a esperança, é o último que se perde. Mas é lógico, normal e compresível já que o povo trabalhador vigués que foi e é atacado duramente nos últimos anos tenha a ilusom de poder ter um emprego “digno” numha cidade com mais de 40.000 desempregad@s, e com a taxa de emigraçom, miséria e exclusom social mais alta da Galiza.

Mas esta ilusom nom poder fazer que nom vejamos o verdadeiro problema da questom. Empregália 2014, ao igual que o foi em 2013, é umha cortina de fume e um lavado de imagem da politica neoliberal do Partido Popular. A Asociación Mujeres en Igualdad, ao igual que a sua Presidenta Mónica Barreras Viso e a sua estreita “colaboradora” Marián García Míguez, concelheira do PP de Vigo, estám estreitamente ligadas ao Partido Popular, e som culpáveis da situaçom real que está a viver o povo trabalhador viguês.

Está feira está financiada e subsidiada por todos os organismos públicos controlados polo Partido Popular (Deputaçom de Ponte Vedra, Junta da Galiza, Zona Franca, CEP), assim como por grandes empresas que habitualmente também apoiam e financiam as campanhas eleitorais dos grandes partidos neoliberais.

Cumpre dizer que o PP ao igual que o PSOE som os grandes culpáveis da miséria que estamos a viver. Almunia, Zapatero, Rajói, Feijó … som os que nom nos permitem pescar, construir barcos, mal-venderom os setores estratégicos do país, abaratarom o despedimento, reduzírom os subsídios, permitem a estafa das preferentes, som os que nos obrigam a emigrar, os que nos suprimem progressivamente a sanidade pública, os que nos despejam… os corruptos e os amigos do narcotráfico.

"Muitos de nós, os que trabalhamos nessa feria, sabemos onde rematárom milhares de esses CV que fôrom entregados: na lixeira!" 

Empregália 2013 ofertava, segundo os dados da organizaçom, 40 postos de trabalho que seica fôrom todos cubertos. A gente  que assistiu ou a que tivo que trabalhar lá, como eu, sabemos que nom foi assim. Nom havia oferta de 40 postos trabalho, nem tam sequer 10. Mas o objetivo já estava cumprido, todos os meios de comunicaçom do capital já anunciarám o sucesso da convocatória sob manchetes de que tinham que organizá-la com mais freqüência, que fora um acontecimento histórico e que se devia dar umha oportunidade para que aqueles que a queriam. 

Muitos de nós, os que trabalhamos nessa feria, sabemos onde rematárom milhares de esses CV que fôrom entregados: na lixeira! A fraude de está feira foi silenciada nos meios de comunicaçom burgueses, como é a logica do sistema, fôrom as redes sociais e os meios de comunicaçom alternativos quem desmascarárom a grande mentira.

O povo trabalhador viguês nom pode voltar a fiar-se deles, a ilusom por ter um posto de trabalho nom pode ser um freio nas nossas luitas. É hora de deixar de acreditar neles, de desmascarar as falsas esperanças, de deixar de participar no seu jogo. É hora de sinalá-los, de sair à rua, luitar polos nossos direitos, de criar poder popular, derrotá-los e tomba-los. O futuro é nosso!

Empregália 2014, nom obrigado!