Na década de setenta diversas empresas publicitavam apreender inglês dormindo. A pessoa só tinha que deixar funcionando a fita cassete durante toda a noite ao longo de várias semanas para acabar falando corretamente este idioma. Ainda hoje na rede se podem achar diversas ofertas com este "método".
Atualmente -basicamente em faixas horárias de madrugada-, os canais de televisom vendem fantásticos métodos para perder peso sem dieta nem exercício físico!
Na política sucede algo similar quando o novo populismo encabeçado por Podemos promete ao povo trabalhador mudar as políticas neoliberais, recuperar as conquistas perdidas, os direitos cercenados polo PSOE e o PP, introduzindo unicamente um papel numha urna, delegando nos cargos públicos e promovendo espaços partidários conformados por uns centos de pessoas que se outorgam a representaçom genuína da “cidadania”.
A classe operária, os povos, as mulheres, todo o que ao longo da história tenhem conquistado, foi unicamente graças à luita organizada, ao sacrifício, à entrega dos setores mais avançados -as vanguardas populares-.
As independências das colónias e das naçons oprimidas som resultado de rebelions, de revoluçons, de combates contra a potência colonial e a ordem internacional imperialista da altura. Som contados os processos de libertaçom nacional atingidos mediante um referendo e posterior reconhecimento do seu resultado pola potência ocupante. A liberdade nom é, nunca foi fácil de atingir.
Som contados os processos de libertaçom nacional atingidos mediante um referendo e posterior reconhecimento do seu resultado pola potência ocupante
Cousas tam básicas como as 8 horas de jornada laboral, as férias, a segurança social, o descanso semanal, a reforma, a indenizaçom por despedimento, etc, fôrom atingidas com sangue, suor e lágrimas de milhons de trabalhadoras e trabalhadores.
Som fruto de greves, da açom dos piquetes, das sabotagens, da tomada de empresas, do sequestro de diretivos e patrons, de manifestaçons e cortes de trânsito, da açom combinada de todas as formas de luita. Nom fôrom logradas com as políticas de pacto social e colaboraçom de classes que caraterizam o agir do sindicalismo amarelo e as políticas conciliadoras da socialdemocracia.
Pensar que podemos reverter as derrotas que nos tem infligido a CEOE e a troika, a burguesia espanhola e a dependente burguesia autótone, mediante a institucionalidade burguesa em maos do monopartidarismo bicéfalo PP/PSOE, considerar que é factível deter a selvagem ofensiva neoliberal com partidos interclassistas de militantes facebook e tuiteiros de sofá, que negam o cerne da luita de classes, e prometem umha vida mehor sem confrontaçom e sem luita, é simplesmente umha monumental ingenuidade.
A situaçom internacional e nacional de refluxo da luita operária e popular, a capitulaçom e aggiornamento dos partidos comunistas tradicionais, a fagocitaçom de praticamente o conjunto das centrais sindicais polos Estados burgueses, tem facilitado a ofensiva em curso. Tem basicamente criado o caldo de cultivo para a abduçom coletiva que amplos setores do proletariado e do povo trabalhador galego sofrem perante o engano da charlatanaria sem escrúpulos que só pretende fazer carreirismo para substituir a velha casta do postfranquismo para que todo continue na mesma.
Esta elite de caudilhos promovidos polo Ibex 35 e a sua ditadura mediática para conter a rebeliom popular é corresponsável do reforçamento dos mecanismos de alienaçom de massas
Agora, perante os adversos resultados eleitorais, insultam o povo e passam da incontinência verbal ao mutismo.
Esta elite de caudilhos promovidos polo Ibex 35 e a sua ditadura mediática para conter a rebeliom popular e ganhar tempo para reconfigurar o regime, é corresponsável do reforçamento dos mecanismos de alienaçom de massas caraterísticos do capitalismo, do estado de desmobilizaçom geral, da posterior frustraçom geral antesala do fascismo.
A política de vender fumo é umha fraude como perder peso sem exercício e dieta, e apreender inglês sem estudar.
Galiza, 28 de junho de 2016
