A turistificaçom é a concretizaçom dum modelo económico ao que o capitalismo tem destinado o nosso país, como naçom periférica, na divissom internacional do trabalho. Nom há dúvidas que a maioria das infraestruturas de transporte dos últimos tempos, como por exemplo o AVE, estám desenhadas como elementos estratégicos neste processo.
Umha turistificaçom na Galiza que vai ligada a umha desestruturaçom socioeconómica além dum brutal impacto no nosso habitat sociocultural e um processo generalizado de desnacionalizaçom.
Após destruiçom planificada do nosso tecido industrial e dos setores produtivos o turismo é, para os nossos gestores em Sam Caetano e em Madrid, a grande soluçom dos graves problemas económicos, sociais e culturais que sofremos as galegas. Semelha que nom há mais vida além do turismo e a hoteleira.
Um turismo colonial que conta com bula papal para que o Jacobeu estique dous anos a sua duraçom.
Um modelo económico tam débil que a pandemia está a pôr em jaque, incluso levando à Junta e ao governo espanhol a tomar decissons fora de critérios de saúde para salvá-lo. Um modelo que vai acompanhado de trabalho precário, temporal, com salários de miséria e jornadas maratonistas.
E nom som contrário ao turismo “per se” mas sim a este modelo turístico ao serviço do capital, que destrui o território, ou que especula com os preços dos alugueres até o ponto de expulsar à vizinhança dos seus bairros. Com certeza derrubando o capitalismo outro turismo é possível.
