No próximo dia 15 de março decorrerá em Ferrol umha nova manifestaçom reivindicando um futuro socioeconómico para as comarcas de Trasancos, Eume e Ortegal. Comarcas historicamente castigadas polas diferentes administraçons por interesses estratégicos do grande capital espanhol e europeu.
Mais umha vez, partilhararemos pancartas e palavras de orden numha mobilizaçom que lembra aquelas campanhas do Governo espanhol e ICONA de “Todos contra el fuego”. Mais umha vez, ouvimos apelos a supostas “frentes únicas” formadas por um totum revolutum, que incluem partidos de todas as cores, agentes sociais e patronal, como se todas tivéssemos os mesmos interesses. Com certeza seremos milhares nas ruas e ao finalizar algum “persoeiro” dará leitura a um manifesto consensualizado onde se reivindicarám soluçons frente a nom se sabe quem, já que as instituiçons a quem se dirigem estas reclamaçons som governadas por parte dos mesmos que assistirám à mobilizaçom. E depois, quê?
O desmantelamento dos nossos sectores produtivos tem responsáveis e cumpre assinalá-los.
Muito além das mobilizaçons homeopáticas, o objetivo imediato deve ser umha resposta contudente da classe trabalhadora. Há motivos suficientes para a convocatória dumha Greve Comarcal e corresponde à CIG, mais umha vez, levar a iniciativa.
O nosso futuro está em jogo e só luitando poderemos evitar o sacrificio dos nossos sectores estratétigos em nome de interesses alheios à Galiza e aoseu povo trabalhador.
