Opinión

Moas

As Escolas de Ensino Galego Semente som umha resposta popular a umha demanda nom satisfeita polo contexto político-social: a aprendizagem do galego e em galego por parte das nossas crianças. Um projeto de imersom lingüística sediado fora do modelo estatal e alheio à dicotomia do público/privado. Com um modelo próprio e partindo do nada, a Semente foi tecendo aos poucos umha rede popular a partir do meio mais próximo; com poucos recursos, muito trabalho militante e autogestom; em onze anos, os resultados estám aí. Duas escolas de Infantil e outra de Primário em Compostela; umha de Infantil e Primário em Trasancos; e mais tres de Infantil em Lugo, Vigo e A Corunha.

A Semente age com a legitimidade e a força que proporciona o desejo de construir umha ferramenta necessária para a sobrevivência do galego. E com essa força e o apoio dum povo que se nega a perder a sua língua conseguimos fazer realidade o sonho de nos dotarmos, em propriedade, da Escola do Roxal em Neda, no passado ano.

Estes dias, a Semente dá um passo mais em frente, lançando em Compostela o Projeto Moas, com o qual procuram centralizar recursos e logística, numhas instalaçons novas e amplas sediadas na paróquia de Vidám e que concentre a todas as crianças das três escolas num único espaço. Em menos dumha semana, conseguirom avalizar o empréstimo que facilitou a cooperativa de crédito Coop57 para afrontar a compra do imóvel. Agora ponhem em andamento umha campanha de micromecenato, na procura do dinheiro preciso para as reformas. Umha nova prova para calibrar o apoio social do projeto educativo. Ajudamo-nos?

Comentarios