sábado 31/10/20
A opinión de
Xavier Vence
Xavier Vence Ex portavoz nacional do BNG e profesor da Facultade de Ciencias Económicas e Empresariais na USC.

Alianzas para gañarmos o futuro

Vivimos tempos de inestabilidades. Nin as institucións, nin o sistema de partidos nin o electorado parecen ter acougo

Francisco Carballo, memoria de proxecto vivo

Estou seguro que neste intre o compañeiro e amigo Francisco Carballo esta ollándonos con ese sorriso beatífico tan característico, feliz de ver aquí xunta a tanta xente, diversa, que el quería e estimaba. 

Contra a corrupción, o espolio e o centralismo: Democracia, Autogoberno, Soberanía

Hoxe non é un día para grandes conmemoracións pero si para renovar as nosas reivindicacións.
A Constitución do 78, nacida dun pacto cos poderes herdeiros do franqismo moribundo, tentou poñer cancelas á democracia e non nos recoñece como pobo, non nos recoñece como nación. 
Por iso os nacionalistas daquela non a refrendamos.

Escocia, Catalunya, Galiza: construíndo futuro

Unha pantasma recorre Europa: a vontade dos pobos de decidir por si propios. A vontade de romper as dependencias alleas.  De todas, tanto dos grandes poderes económicos e financieros como dos estados que son o seu instrumento.

En pé!

Este Día da Patria estaremos en Compostela milleiros de [email protected] que non nos resignamos a aceptar o devalo do país nin o desbalde das conquistas sociais. A conxunción dunhas institucións desvalorizadas e xibarizadas pola súa supeditación á globalización neoliberal, unhas políticas regresivas de recortes sociais e laminación de dereitos laborais e cidadáns e un agresivo proceso de recentralización están levando ao noso país, á maioría social, por unha pendente que parece non ter retorno posíbel.

Sic transit gloria mundi

Para os atribulados ideólogos do centralismo e do réxime vixente, a morte de Adolfo Suárez foi vista como unha oportunidade para crear un clima social de adhesión á monarquía e a configuración actual do estado saído da transición, nun momento de profundo descrédito e crise de ambas.

A encrucillada 2014

As eleccións europeas de 2014 teñen unha importancia sobranceira en si mesmas porque representan a ocasión para que Galiza sexa visibilizada directamente en Europa, para que o nacionalismo poida trasladar ao Parlamento Europeo as angurias e aspiracións da cidadanía galega trasteada polas políticas dunha Europa cada vez máis radicalmente desigual e inxusta, sometida aos megapoderes que rexen os nosos destinos por riba dos poderes democráticos. 

Máis Galiza noutra Europa

Galiza está nunha situación límite. Centos de miles de galegos e galegas malviven ao borde da exclusión e da privación. Son moitos os que padecen infraalimentación, sen teito e sen cobertura social e sanitaria. 

A xente ten dereito a saber porqué chegamos até ese punto. 

Castelao deita luz nas sombras de 2014

Hoxe rendemos homenaxe a memoria inmensa do grande patriota Afonso Daniel R. Castelao, que viu a luz un 30 de xaneiro en Rianxo e pechou os ollos para sempre un 7 de xaneiro de 1950 no exilio porteño, pero a súa luz segue alumeando hoxe como un facho ben aceso aos que seguimos Sempre en Galiza. 

A sangría laboral está sendo un éxito

O PP está batendo todos os records na súa capacidade para transformar a desfeita real en prodixio virtual. Disque a economía está en franca recuperación; disque leva meses recuperándose. Iso si, é un concepto de recuperación algo singular porque a creación de emprego comezará en ... 2015.  Dentro de ano e medio/dous anos. Entretanto temos que agardar pacientemente e contentarnos con que non se destrúa emprego.

No Día da Galiza Mártir en Pontevedra

No dia de hoxe, como vimos facendo dende 1942 alá onde podemos, xuntámonos aquí os homes e mulleres demócratas e patriotas, os que temos Memoria, para render merecida homenaxe aos nosos mártires do 36. Ao compañeiro Alexandre que caeu na Caeira atravesado polas balas asasinas dos fascistas tal dia como hoxe. Pero con el rendemos homenaxe e memoria aos perto de 5.000 de galegos e galegas, demócratas, republicanos, nacionalistas que caeron asasinados naqueles meses e anos vítimas da barbarie fascista e españolista. 

As soberanas leccións do Ecuador ao mundo

O Ecuador é un país de tamaño relativamente pequeno, con 15 millóns de habitantes, pero desde 2006 está dando ao mundo un bo número de auténticas leccións quer polo seu exitoso modelo económico, quer polas apostas políticas radicalmente democráticas, tanto no plano interno como no internacional.

 

Á espera dos bárbaros

O Delegado do Goberno en Galiza, Samuel Juárez, decidiu saír en auxilio dun Núñez Feijóo acurralado polas indignas e inmorais frivolidades do pasado e polo cúmulo de frontes de protesta derivados do nefasto labor de Goberno do PP, quer na Xunta de Galicia quer no Goberno Central. Nomeadamente, o cruel espolio das preferentes, os desafiuzamentos e a fame rampante. Samuel Juárez irrompeu o 9 de xuño como un torpe Gobernador Civil, botando man dun burdo manual de propaganda para policías principiantes.

Autodeterminación: traballando para conquistala

O BNG vén de presentar en Santiago de Compostela, na compaña de Amaiur e ERC, a Proposición non de Lei que os tres grupos están a tramitar no Congreso dos Deputados. Unha iniciativa que ten por obxecto a incorporación ao ordenamento xurídico do estado español dun dereito básico, o dereito de autodeterminación, que á altura de 2013 aínda se nega a recoñecer, ata o extremo de impediren os partidos maioritarios á súa discusión polo procedemento ordinario da cámara.

O pobo galego contra a banca, a Troika e o PP

Seis anos despois do estourido da crise xa non poden seguir falando de cataclismos senón que cómpre falar dunhas políticas concibidas para salvar á grande banca especulativa a costa de arrasar coa economía produtiva, cos servizos públicos, cos nosos aforros e cos nosos dereitos. 

A estafa e o roubo das preferentes e subordinadas é a punta do iceberg do principal problema que padece hoxe este país: o espolio dos nosos aforros, dos nosos salarios e dos nosos impostos para rescatar a banca especulativa española e europea.

Un fracaso insoportábel

As novas previsión económicas para 2013 e os datos definitivos de déficit publicados por Eurostat certifican o...

Mudando, cos pés na terra

Nos momentos de mudanza dous riscos teñen que ser vencidos: o medo ao cambio e os preconceitos. O medo ao cambio pode levar ao enroque e a tentación de meterse na cova e agardar que escampe. Por outro lado, os preconceitos tenden a facer crer que só un mesmo quere mudar e todos os demais seguen ancorados nas rotinas do pasado. Os dous son riscos paralizantes e disgregadores.

PP-Bárcenas e o burato negro madrileño

O caso PP-Bárcenas-Gürtel empeza a sacar á luz algo dun alcance que supera moito o que puidera ser catalogado como un caso de grave corrupción. Non é só unha cuestión da magnitude de diñeiro en xogo ou duns sobresoldos obscenos e escandalosos, a fraude continuada a facenda, as contas en Suíza, a picaresca deslealdade entre os membros da cúpula do PP, etc.

A iniciativa “propón connosco” avanza

    Para aqueles que consideramos que sobra moito minifundismo mental e organizativo no eido do nacionalismo e da esquerda son tempos de desespero mais tamén de certa esperanza.

Explotación financeira dos aforradores e contribuíntes

O acordo do Banco de España de impoñer un límite do 1,75% aos xuros anuais que os bancos pagan aos aforradores polos seus depósitos é un escándalo dun calibre monumental. Sería considerado un despropósito se non fose porque está inscrito na lóxica das decisións españolas e europeas de entregar todo -si todo- á banca e as finanzas.

Castelao, Bóveda e o nacionalismo esgazado

Agora que xa rematou a campaña electoral xa podemos mirar con perspectiva certos argumentos, metáforas e outras figuras retóricas utilizadas ao longo destas semanas. Agora podemos falar delas con máis serenidade. E convén que o fagamos con clareza e espíritu construtivo.No discurso político adoita facerse uso de todas as figuras retóricas.

Na hora de refundar para unir

O resultado das eleccións do 21-O devólvenos unha desazonadora realidade. Unha sociedade galega divida en dúas metades no eixo dereita conservadora/esquerda-progresista no que a dereita segue a contar co respaldo da maioría, a pesar de toda a agresividade do seu proxecto actual. Por poucos votos populares, en cantidade minguante e con pouco entusiasmo, pero respaldo ao fin e ao cabo.

Datos contra mentiras

Pode parecer surrealista pero vivimos momentos en que a estratexia do poder é impedir un diagnóstico minimamente veraz da realidade "real". Xa non basta cun masivo labor de adoutrinamento ou unha interpretación interesada da realidade, facendo uso e abuso de todos os medios escritos e audiovisuais. Xa non chega coas medias verdades ou as esaxeracións.

A corrupción como metástase da privatización

O balbordo cínico ao redor dos casos de corrupción que desde hai moito tempo desprazaron neste país o debate serio sobre as políticas e as alternativas políticas volve ocupar a escena da campaña electoral do 21-O.

O PP desenmascárase e expropia aos aforradores

O Real Decreto Lei 24/2012 de “reestruturación e resolución de entidades” aprobado o 31 de Agosto supón un salto cualitativo na concreción da política de salvación das finanzas a costa da sociedade.Tres notas xerais definen este decreto.