Nunha atmosfera tan poluída, como a da capital do Estado, polos fumes que teiman en negar e mesmo acabar co diferente, resulta abondo complicado convencer ou tan só explicar que as linguas, as literaturas e, no seu conxunto, as 'outras' culturas existen e teñen, temos, o dereito --e queremos seguir a facelo-- de existir, cuns resultados e calidade á altura de calquera outras.
A pasada fin de semana foran detidas nas contornas rurais da localidade de Balcombe, en West Sussex (Inglaterra), 14 persoas por tentaren paralisar na súa terra os inicios dos traballos de fracking, mais un novo neoloxismo, mesmo para a lingua inglesa, que se torna metáfora global dun dos significados informais do palabro, cando foi comezado se usar na serie de TV Battlestar Galactica para substituír o xa tamén coñecido e polivalente fucking e evitar así a censura lingüística.
