Opinión

Que fazer? O tempo vai-se esgotando

Eu, que tenho militado na velha Nós-UP, nesta ocasiom vou votar a esta nova Nós

Eu, que tenho militado na velha Nós-UP, nesta ocasiom vou votar a esta nova Nós,e digo-o sem esquecer as críticas que penso merecérom políticas seitárias, autonomistas e de apoio aos governos ZP que hoje está a pagar o nacionalismo polo descrédito acumulado. Mais, penso que por umha banda tem-se producido umha viragem cara possiçons patrióticas e de esquerda, e, também compre sinalar  a incapacidade do independentismo na Galiza, da que me sinto também concernido na modesta parte que me corresponde, mais   o seu seitarismo, cainismo, e dogmatismo, levarom-no à situaçom de marginalidade na que se atopa. 

Eu, que tenho militado na velha Nós-UP, nesta ocasiom vou votar a esta nova Nós

Em muitas citas eleitorais practiquei a abstençom, e acho que foi umha postura correcta ante a falta de alternativas viáveis cum nacionalismo na altura obsesionado com o fetichismo eleitoral e aggiornando-se na percura da sua homologaçom por España como força sistémica, cousa que nunca conseguirom...mais hoje, a situaçom é bem diferente, estamos pode-se dizer num intre, numha situaçom de emergência para a supervivência da Galiza como Pais, os sinais de alarma en todas as ordes som evidentes, comezando pola língua, a demografia, seitores produtivos estratégicos, etc etc, e, já que logo ,preciso afortalar a única opçom que pode ser quem de vertebrar o pais, a única que ainda tem rede social nacional, com preséncia no sindicalismo nacional, associacionismo etc, que pode tentar pôr-lhe freno à esta situaçom límite. Qualquera voto a Nós é um azo, umha injeçom de força, que servirá para encetar empresas mais ambiciosas em chave nacional num futuro imediato, pois o tempo vai-se esgotando.

Comentarios