"Querida Liberdade. Vida e obra dun precursor do rexurdimento" é o nome da obra que será presentada no Museo do Pobo Galego
No 200 aniversario do nacemento de Antolín Faraldo, Querida Liberdade. Vida e obra dun precursor do rexurdimento aborda, por vez primeira dun xeito integral, a vida e a obra de quen Manuel Murguía definiu como "o primeiro e o mellor".
O libro de Xurxo Martínez, editado por Alvarellos coa colaboración da Deputación da Coruña, será presentado no Museo do Pobo Galego coa participación do propio autor, ademais de Xusto Beramendi, Henrique Alvarellos e María Muíño.
